Home Remedies for Head Lice in Hindi - Juon Se Chhutkara Paane KeGharelu Nuskhe

Home Remedies for Head Lice in Hindi - Head lice bachon mein payi jane wali ek aam problem hai bache school jate hai khelte hai dusre bachon ke sath usi se unko bhi lice padh jati hai. Jab kisi bache ke scalp mein bahut kharish ho rahi ho ya skin red red ho to zaroor check karna chahiye kyunki adhiktar aisa tabhi hota hai jab sir mein juyen ho. Yeh juyen sir ka blood suck karti hai aur balon mein chipki rehti hain is liye inka jald hi ilaj karna chahiye kyunki yeh scalp ko kharab karti hain. Is ke liye market mein kayi tarah ke shampoo, medicine ate hain lekin aap agar chahen to ghar per bhi iska ilaj kar sakte hain. Kitchen mein use hone wale kayi tarah ke ingredients se is problem se bacha ja sakta hai. Niche kuch aise hi home remedies di gayi hai head lice ke liye.

Home Remedies for Head Lice in Hindi, Juon Se Chutkara Pane Ke Liye Kuch Gharelu Upay:


1) Lehsun Ka Upyog : Lehsun ke upyog se juyon ko khatam kiya ja sakta hai lehsun ki gandh se juyen marne lagti hain iske liye aap 10 se 12 lehsun ke dane lein aur 2 se 3 chamch nimboo ka ras lein in dono ko mix karke ache se paste bana lein aur is paste ko ache se apni balon ki jadho per lagayen ise 1 ghante tak balon per laga rehne dein aur fir apne balon ko garam pani se dho dein is se bahut jald apke balon se juyen nikal jayengi.

2) Baby Oil Ka Upyog : Baby oil se bhi juon ko khatam kiya ja sakta hai is ke liye apko baby oil, kapde dhone wala detergent aur safed sirka chahiye. Balon mein ache se baby oil lagayen aur iske bad comb Karen ache seis se juyen niche girne lagengi. Is ke baad balon ko garam pani aur detergent soap se ache se dhoyen aur fir rat ko safed sirka balon mein lagayen aur balon ko towel se dhak lein is se apko head lice ki problem se chutkara mil jayega. Subeh balon ko ache se shampoo kar lein.

3) Olive Oil : Olive oil se bhi juyen mar jati hain. Olive oil se raat ko balon mein massage Karen ache se lagayen aur balon ko ache se towel se dhak lein aur subeh kanghi se juon ko nikal dein aur tea tree yukat shampoo se balon ko ache se dhoyen is se bhi juyen khatam ho jayengi.

4) Namak Ka Upyog : Namak ke upyog ke dwara bhi aap juon ko khatam kar sakte hain is ke liye namak aur sirke ka paste bana lein aur is paste ko ache apne pure balon per lagayen aur fir shower cap se sir ko dhak lein 2 ghante tak ise laga rehne dein aur fir shampoo aur conditioner se ache se balon ko dho dalen is se juyen mar jayengi.

5) Tea Tree Oil : Tea tree oil bhi juon ko marne mein bahut hi upyogi hai yeh ek prakartik kitnashak hota hai jis se juyen mar jati hain. Iske liye aap tea tree oil, koi prakartik shampoo aur olive oil ya nariyal tail ka paste tyar kar lein ise apne balon per ache se lagayen aur 30 min tak laga rehne dein uske baad garam pani se balon ko wash kar lein aur geele balon mein hi kanghi maren is se mari hui juyen nikal jayengi.

6) Safed Sirka : Safed sirke mein acidic acid hota hai jo balon mein juon ko khatam karta hai. Sirke aur pani ka mishran balon mein lagayen aur balon mein towel bandh kar 1 ghante tak ise balon mein laga rehne dein ab comb ko sirke mein dip karke comb Karen is se leekh aur juyen mar jayengi aur nakal ayengi.

7) Til Ka Tail : Til ka tail anti fungal aur anti bacterial hota hai yeh ek prakartik keetnashak hota hai jo juon ko khatam karta hai. Juon ke ilaj ke liye tilka tail lein isme tea tree oil, eucalyptus, aur rosemary ka tail aur lavender ke tail ki kuch boonden dale au rise ache se balon mein lagayen lekin is se pehle apne balon ki seb ke sirke se ache se dhoyen aur fir bal sukhne ke baad ise lagayen.is oil ko raat bharlaga rehne dein aur balon ko ache towel se dhak kar rakhen subeh kanghi s mari hui juyen nikal dein aur fir balon ko ache se shampoo kar kein. Is parkar aap juon se chutkara pa sakte hain.

8) Neem Oil Ka Upyog : Yeh to sabhi jante hai ki neem mein kayi tarah ke gun hote hain yeh ek anti bacterial hai lekin yeh head lice ko khatam karne mein bhi kam ata hai iske liye aap neem ka tail lein jo ki aapko asani se mil jata hai nahi to aap fresh neem ke patton karas aur tulsi ras mila kar bhi apne balon per laga sakte hain juon ko marne ke liye.

Upper job hi home remedies di gayi hain weh bahut hi asan hain aur bina kisi bhi medicine ke aap head lice ki problem ko door kar sakte hain. Yeh sabhi prakartik tarike hain head lice ko door karne ke liye.
Home Remedies for Head Lice in Hindi - Juon Se Chhutkara Paane KeGharelu Nuskhe Home Remedies for Head Lice in Hindi - Juon Se Chhutkara Paane KeGharelu Nuskhe Reviewed by Sehat Duniya on सितंबर 19, 2017 Rating: 5

कोई टिप्पणी नहीं:

Blogger द्वारा संचालित.