My Instagram

यह ब्लॉग खोजें

Blogger द्वारा संचालित.

Home Remedies for Sore Throat in Hindi - Gale Ke Dard Se Chutkara PaaneKe Upay

Home Remedies for Sore Throat in Hindi - Sore throat yani ki gale ka dard ek aam samasya hai sore throat hone ke kayi karan ho sakte hain jese cold hona, mausam change hone ki wajah se, ya fir thandi chiz kha lene se, ya gale mein kisi tarah ka infection hone se, tosils ke karan, Agar gale mein dard ho to is se khane peene mein bahut hi takleef hoti hai. Isliye samay rehte iska ilaj kar lena bahut hi acha hai wese to aap ko market mein bahut si medicines mil jati hain iske ilaj ke liye lekin aap ghar bhi kai ghrelu nuskhe apna kar is problem se chhutkara pa sakte hain. Aaj hum inhi ghrelu niskhon ke bare mein hum apko jankari denge.

Home Remedies for Sore Throat in Hindi, Gale Ke Dard Se Chutkara Paane Ke Gharelu Nuskhe:


1) Nimboo Ka Ras : Nimboo ka ras sore throat ke liye bahut hi acha mana jata hai iske liye aap garam pani mein nimboo ka ras milayen aur is se garare karen is se apko sore throat mein bahut ram milega ya fir aap aisa bhi kar sakte hain ki garam pani mein nimboo ka ras mila kar peeyen is se gale ki kharash thik ho jayegi.

2) Neem Ka Upyog : Neem main bahut segun paye jate hain gale ke dard mein neem bahut hi laabhdayak hai iske liye aap do chamch neem ke patton ka ras lein isme thoda sa shehad milayen aur har roz ise pani mein mila kar garare Karen is se apke gale ka dard bahut hi jald thik ho jayega. Is se gale ki aur bhi sabhi problems thik ho jati hain.

3) Mooli Ka Ras : Bahut se logon ko yeh jankari nahi hogi ki mooli k eras se bhi gale ka dard thik ho jata hai iske liye mooli ka ras aur pani ko barabar matra mein milayen aur is garam pani se garare Karen is se bhi apka sore throat ki problem thik ho jayegi.

4) Haldi Ka Upyog : Yeh sab jante hain ki haldi mein antiseptic gun hote hain is liye yeh gale ki sabhi parkar ke rogon ke liye bahut hi upyogi hai. Aap sore thraotke liye adha chamch haldi ka powder ek glass garam doodh mein mila kar pee sakte hain is se apko gale ke dard mein bahut hi aram milega. Haldi cold, cough in sabhi parkar ke rogon ke ilaj ke liye bahut hi uttam dawa ke roop mein upyog ki jati hai.

5) Tulsi Ka Upyog : Hum sabhi jante hain ki tulsi mein anekon aushdhiy gun paye jate hai nisi liye bahut se rogon ko thik karne ke liye upyog mein layi jati hai. Tulsi mein uble hue pani ka upyog sore throat ke liye bahut hi laabhdayak hai.is pani ko aap pee bhi sakte hain aur agar chahe to is pani mein namak mila kar se aap gargle bhi kar sakte hain is se gale ka dard bahut jald thik ho jata hai. Tulsi ki chai bhi bahut hi upyogi hoti hai gale ke har parkar ke rog ko thik karne mein.

6) Paan Ke Patte : Sore throat mein paan ke patte bhi bahut hi upyogi hote hain is ke liye aap paan ke patton ko ache se chabayen is se apka sore throat jald hi thik ho jayega yeh ek bahut hi purana ghrelu nuskha hai galeka dard thik karne ke liye.

7) Ilaichi Dana Aur Dalchini Ka Upyog : Ilaichi dana aur dal chini dono hi bahut gunkari herbs hain jo ki sore throat ke liye bahut hi upyogi iske liye aap pani mein ilachi aur dal chini ko ache se boil Karen aur thanda hone per is pani se gargle Karen yeh bahut hi jald gale ke dard mein aram dilate hai.

8) Imli Ka Upyog : Imli ko pani mein ache se mila lein aur iske patton ka bhi upyog Karen is pani se gargle Karen is se apke gale ka dard bahut hi jald thik ho jayega yeh ek bahut hi asan ghrelu nuskha hai.

9) Methi Ke Dane Ka Upyog : Methi ke dane ka upyog sore throat ke liye kiya jata hai iske liye aap 2 tablespoon methi ke dane lein au rise pani mein ache se kam se kam ½ ghante tak boil Karen ab is pani ko thanda hone dein aur fir is pani se gargle Karen is se apko sorethroat mein bahut aram milega. Yeh gale ke aur infections ke liye bhi bahut hi upyogi aushdhi ke roop mein use kiya jata hai.

Sore Throat Mein Dhyan Dene Wali Anay Batein:


1) Jab tak apke gale ka dard thik na ho jaye tab tak orange juice ko avoid Karen

2) Zyaada chilled water na peeyen ho sake to pani ko thoda warm karke peeyen is se jaldi aram milega

3) Fresh fruits aur kachi sabjion ka sewan Karen

4) Zyaada masaledaar bhojan ka sewan na Karen

5) Fast foor ko avoid Karen

6) Milk aur milk products ka sewan tabhi Karen agar apka sore throat dry hai

7) Smoking ko avoid Karen sore throat mein

Is tarah aap upper diye gaye ghrelu nuskhon ko apna kar apne sore throat ki problem ko door kar sakte hain.

कोई टिप्पणी नहीं