Benefits of Avocado in Hindi – Janiye Avocado Fruit Khane Ke Fayde Hair Aur Skin Ke Liye

0
46

Benefits of Avocado in Hindi – Avocado ek nutrients se bhara fruit hai jo aj kal bahut popular ho raha hai khaskar health ke liye iske bahut benefits hain. Yeh dekhne mein bilkul naashpati jaisa lagta hai. Iska chilka aur beej istemal nahi hotabus iska ander ka bhaag yani pulp use kiyajata ai khanekeliye avocado mein kayi tarah ki nutrients hote hain jese Vitamin C, vitamin E, vitamin K, folate, potassium. Vitamin B5 aur vitamin B6. In sabhi vitamins ke ilawa isme copper,iron, zinc, phosphorous ki bhi thodi matra payi jati hai. Is parkar avocado khane se kayi tarah ke health benefits hote hain jinko humne niche bataya hai.

Health Ke Liye Avocado Ke Fayde:

1) Cancer Se Bachav : Avocados khane se kayi parkar ki gambhir se gambhir bimari bhi door ho jati hai jaise cancer, breast cancer, oral cancer, in sabhi rogo ki roktham avocados se ki ja sakti hai. Isme Oleic acid hota hai cancer ko failne se rokta hai.

2) Healthy Heart Ke Liye : Heart ko healthy rakhne ke liye bhi avocados ka use hota hai. Avocados mein vitamin E, folate bharpoor matra mein hota hai joki heart ko achese kriyasheel banana mein madad karta hai is se heart ke rogon ke hone ki sambhawna khatam ho jati hai aur heart hmesha swasth rehta hai.

3) Eyes Ke Liye Fayde : Avocados khane se eyes ko bhi swasth rehti hain kyunki isme carotene lutein hota hai jo ki ankhon ki kayi parkar ke rogon se apko bachata hai jaise cataracts yani ki motiyabind. Is parkar avocados ka sewan zaroor karna chahiye.

4) Blood Pressure Control Kare : Kya aap jante hain ki avocados high blood pressure ko bhi control karne mein madad karta hai. Iske liye aap niymit roopse avocados kaoil ya fir avocados ka ras ka sewan karna shuru kar dein iske result bahut ache ayenge blood pressure walo ke liye yeh ek vardan hai.

5) Digestion Ke Liye Gunkari : Avocados ka sewan karne se digestion bhi thik hota hai kayi logon ka pet bahut kharab rehta hai unhe khana digest karne mein bahut si problems aati hain lekin agar wo avocados ka sewan karnege to unki yeh problem jald hi door ho jayegi. Avocados kabaj ki bomari se bhi aapko faayda pahunchata hai.

Beauty Yani Ki Sundarta Ke Liye Avocado Ke Fayde:

1) Clear Skin Ke Liye : Avocado mein vitamin A aur vitamin E hota hai jo skin ke liye bahut hi laabhdayak hota hai. Iska niymit sewan karne se aapki skin clear aur jaandaar ho jati hai aur rookhi twacha damakne lagti hai.

2) Sunscreen Ki Tarah Use Kare : Aapko yeh jaan kar bahut hairani hogi ki avocados ek prakartik sunscreen ke roop mein bhi use kiya jata hai is se sooraj ki hanikarak kirno se bacha ja sakta hai. Is se twachaper agar rashes ho gaye ho ya fir skin garmi se jhulas gayi ho iske sewan se thik ho jati hai.

3) Hand Scrub Ke Roop Mein : Avacados ko aap ek ache hand scrub ke roop mein istemal kar sakte hai iske liye isme nimboo aur daliye ka powder mila kar ek bahut hi acha scrub tyar hota hai ise apne haathon per ache se lagayen aur kam se kam 30 minute tak laga rehne dein aur fir apne haathon ko dho daalen.

4) Hairs Ke Liye : Avocados baalon ke liye bhi bahut hi laabhdayak hai. Iske use se aap balon ke rookhepan aur damage hone se bacha sakte hain iske liye aap avocados ko ache se pees lein aur isme jaitun ka tail aur dahi milayen aur is mishran ko apne sir per ache se lagayen aur kuch samay kebaad apne hair wash kar lein aisa karne se apke baal shine to karnge hi saath hi saath unka dryness bhi door ho jayega.

5) Skin Ke Liye : Skin ke liye avocados ka oil bahut hi laabhdayak hai agar aap apni twacha ko sunder, soft aur saaf banana chahte hain to aap apni skin per avocados ke oil ka use Karen is se aapki twacha damak uthegi aur saath hi saath bilkul saaf aur bedaag ho jayegi kyunki avocados nayi koshikaon ko paida karne mein madad karta hai. Isi liye avocados zaroor khaayen.

6) Weight Lose Ke Liye : Research se pata chala hai ki avocados khane se weight ko bhi kam kiya ja sakta hai. Kyunki yeh excess bhukh koshant karta hai jis se weight loss hota hai. Avocados mein fiber ki matra jada hoti hai jis se weight kam karne mein bahut madad miti hai. Agar aap apno diet mein avocados ko shamil kar lenge to aap kabhi bhi overweight nahi honge.

Is parkar humne koshish ki hai ki hum apne paathko ko jitn bhi ho sake avocados ke laabhon ki jankari dein taki weh iska use karke faayda utha saken aur apni skin aur health ko acha kar saken.

LEAVE A REPLY

Please enter your comment!
Please enter your name here