Benefits of Banana in Hindi – Kela Khane Ke 10 Se Adhik Fayde

0
193

Benefits of Banana in Hindi – Kela ek aisa fal hai jo apko barah mahine mil jayega market mein. Kele mein kayi parkar ke gun hote hai ya kahen ki kela guno ki khan hai ise khane se bahut sare fayde hote hain kela poori body ko haddiyon, manspeshion ko majboot karta hai. Kela hamari body mein hone wali kayi parkar ki bimarion ko bhi door karne mein laabhdayak hota hai. Kele se skin ko bhi sunder banaya jata hai. Kele ke sabhi parkar ke laabhon ka varnan niche diya gaya hai.

Benefits of Banana in Hindi Me, Kela Khane Ke Fayde:

1) Vazan Badhaane Ke Liye: Kela kai parkar se hamari health ke liye laabhkari hai isme se ek gun yeh hai ki kela khane se wazan badhta hai. Jo log underweight hote hain unhe doctor bhi salah dete hain ki weh rozaana do kele doodh ke saath khayen kyunki is se wazan badhta hai. Padhiye vajan badhane ke tarike.

2) Muscles Strong Karne Ke Liye : Kela khane se muscles strong hote hain jo log gym karte hain apne muscles ko strong banana ke liye unke liye kela bahut hi laabhdayak hai. Kele mein bharpoor matra mein protein aur carbohydrates paye jate hain. Padhiye body banane ke tarike.

3) Workout Ke Dauran : Jo log daily workout karte hain unko apni diet plan mein kele ko zaroor shamil karna chahiye. Kela khaane se energy bani rehti hai jo ki workout ke dauran bahut hi zaroori hai. Padhiye workout tips hindi me.

4) Energy Ko Badhane Ke Liye : Kele ka agar aap daily sewan karte hain to apka energy level bahut badh jata hai agar aapne khana bhi na khaya ho aur aap kela kha lein to is se instant energy a jati hai.

5) Healthy Rehne Ke Liye : Kela allover body ko healthy rakhne mein bahut hi sahayak hai.

6) Skin Ke Liye Faydemand : Healthy skin ke liye bhi kela bahut hi laabhdayak hai. Is se bahut ache facepack bante hai. Agar aap pake hue kele ka guda lele aur usme shehad ki kuch boonde milakar is pack ko face ya skin par lagaye to aapke liye bahut hi labhdayak hoga.

7) Pet Ke Rogo Ke Liye : Agar kisi ka pet kharab rehta ho ya pet mein jalan hoti ho to dahi mein chini aur paka kela milakar khayen is se jalan to thik hogi hi sath hi sath pet bhi swasth rahega aur pet ke rogon se bhi mukti ho jayegi.

8) Brain Ko Tez Karta Hai : Kele ka ek aur khaas gun yeh hai ki yeh dimag ko tez karta hai isliye padhne wale bacho ko kele ka sewan zaroor karna chahiye. Kela dimag ko alerts rakhta hai isliye jab bhi bacho ke exam nazdik hon to kam se kam 1 mahine pehle se hi kele ka sewan suru karwaye. Yah unke dimag ko aur memory power ko tez karne ke liye labhdayak sidh hoga.

9) Anemia Ke Liye Laabhdayak : Jin logo mein khoon ki kami payi jati hai aur weh anemia ki bimari se grasit hote hain unke liye kele ka fal bahut hi gunkari hai kele mein bharpoor matra mein iron hota hai isliye yeh sharir mein hone wali iron ki kami ko door karne mein bahut hi gunkari hai. Kela haemoglobin ki matra ko badhane mein bahutsahayak hta hai. Anemic patient ko har roz kele ka sewan zaroor karna chahiye. Iske nitay sewan se khoon ki kami kabhi bhi nahi rahegi.

10) Potassium, Carbohydrates Aur Vitamin C : Kele mein bharpoor matra mein potassium, carbohydrates aur vitamin c ki matra payi jati hai aur yeh tino hi healthy rehne ke liye bahut hi awashayak hai isliye har roz kela khane walo ki inki kabhi bhi kami nahi ho sakti.

11) White Blood Cells Ke Liye : Agar kisi vyakti mein white blood cells ki kami ho to use awashay hi kele ka sewan har roz karna chahiye kyunki kela body mein hone wali white blood cells ki kami ko door kar deta hai.

12) Depression Ke Liye : Aapko jan kar yeh bahut hi hairani hogi ki kela khane se depression kam hone lagta hai kyunki kele mein tryptophan namak padarth paya jata hai jo ki depression ko door bhagata hai. Isi liye jin logo ko depression hota hai unhe har roz kele ka sewan karna chahiye.

13) Cholestrol Kam Karta Hai : Kele ka yeh ek khaas gun hai ki yeh sharir mein hone wali cholesterol ki matra ko control karta hai kyunki isme bharpoor matra mein magnesium hota hai jo rakat ko patla rakhta hai use jamne nahi deta.

14) Ulcer Ka Ilaj : Kela kayiparkar ki bimarion ko thik karta hai inme se ek rog hai ulcer. Agar kisi ko ulcer ki shikayat ho to kele ka sewan iska ramban ilaj hai har roz kache kele ka sewan karne se ulcer jaisi bimari se asani se chutkara paya ja sakta hai.

Is parkaar upar diye gaye kele ke laabhon ko padh kar aap jan gaye honge ki kela kewal ek takat dene wala fal hi nahi hai balki isme bahut se aushdhiya gun bhi hain jo hame kisi na kisi roop mein laabh pahunchahte hain.

LEAVE A REPLY

Please enter your comment!
Please enter your name here