Benefits of Castor Oil in Hindi – Janiye Arandi Ke Tel Ke Fayde Hair Aur Skin Ke Liye

0
39

Benefits of Castor Oil in Hindi – Castor oil yani ki “ Arandi ka tail” bahut hi upyogi oil hai yeh hairs, skin aur health ke liye bahut hi laabhdayak hai. Yeh ek vegetable oil hai aur iska sabse badha gun yeh hai ki yeh anti bacterial oil hai jiska upyog kayi chizon mein kiya jata hai jese beauty products mein hair oil mein, massage oil mein aur medicines main bhi. Humne iske vibhin parkar ke laabhon ko niche bataya hai ki yeh oil kese hair, skin aur health ke liye upyog mein laya jata hai.

Skin Ke Liye Arandi Ke Tel Ke Fayde:

1) Jalan Door Kare : Castor oil anti inflammation hota hai iska matlab yeh hai ki castoroil jalan aur soojan mein bahut laabh deta hai. Iske liye aap cotton ball lein aur castor oil lein yeh sunburn, acne aur dry skin ki jalan ko kam karta hai. Cotton ball mein castor oil ko ache se dip karen aur ise affected area per lagayen fir kam se kam 1 ghante tak ise laga rehne dein. Yeh ek bahut hi asardar oil hai jo inflammation ko kam karta hai.

2) Aging Signs Kam Kare : Castor oil anti aging ka bhi kam karta hai. Yeh chehre ki fine lines ko kam karta hai jis se aapki age kam lagti hai aur aap young dikhte hain. Yeh skin ko hydrate karta hai. Yeh wrinkles ko deri se ane ka kam karta hai. Ankhon ki skin ke paas jo lines aati hai wo ise lagane se bahut deri se aati hai. Yeh skin ko smooth banata hai.

3) Acne Door Kare : Castor oil se acne ki problem bhi bahut hi asardar tareeke se door ho jati hai. Iske liye sabse pehle apne chehre ko warm pani se ache se dhoyen jis se apke chehre ke ron chider khul jaayen. Fir castoroil ki kuch boonde lein aur dheere dheere circular motion mein apne chehre per massage Karen. Ise fir poori raat laga rehne dein aur agli subeh uthkar thande pani se ache se dho lein. Aisa niymit karne se acne ki problem door ho jati hai aur skin clear ho jati hai.

4) Skin Moisturize Kare : Castor oil ek bahut hi ache skin moisturizer ke taur per bhi use kiya jata hai. Kyunki isme fatty acids hote hain. Agar aap apni skin per castor oil lagate hain to apki skin bilkul smooth, shiny aur clear ho jati hai yeh skin per kisi bhi parkar ke patches ko khatam karta hai. Kuch drops castor oil ki lekar aap ise apne chehre per circular motion mein lagayen aur gently massage Karen. Yeh skinko bahut hi beautiful bana deta hai.

Hair’s Ke Liye Arandi Ke Tel Ke Fayde:

1) Hair Growth Ke Liye : Castor oil ka upyog baalon ko lamba karne ke liye bhi kiya jata hai. Agar aap regular castor oil se apni calp ki maage karenge to aapke baal bahut hi jald lambe aur ghane ho jayenge. Yeh oil scalp ki blood circulation ko badhata hai jis se hair growth fast ho jati hai. Yeh split ends ko bhi khatam karta hai.

2) Safed Baalon Ke Liye : Castor oil ka ek aur khaas gun ueh hai ki yeh safed baalon ko hone se rokta hai agar aapke baal safed hone shuru ho rahe hon to aap castor oillagana shuru kar dein yeh safed balon ki growth ko rok deta hai.

3) Conditioner : Castor oil aapke balon ke liye ek ache conditioner ka bhi kam karta hai agar aapke baal dry aut dull hain toaap 1 teaspoon castor oil lein au rise apne conditioner mein mila lein aur baalon ko shampoo karne ke baad ache se ise lagayen to aap khud hi fark dekhenge ki aapke baal soft aur silky ho jayenge. Castor oil baalon ko moisturized karta hai aur baalon ke rukhepan ko door karne mein sahayta karta hai.

Health Benefits of Castor Oil in Hindi Me, Swasth Ke Liye Arandi Ke Tel Ke Fayde:

1) Ringworms Ke Liye : Castor oil ring worms ke liye bahut hi asardar dawa ke roop mein upyog kiya jata hai. Iske liye 2 tablespoon castor oil aur 4 tablespoon coconut oil lein inhe mix karke lagayen is se ringwork ki problem door ho jayegi aur skin clear ho jayegi. Yeh problem har age group mein hoti hai. Aur castor oil iska best ilaj hai.

2) Joints Pain Ke Liye : Castor oil joints pain yami ki jise hum arthritis kehte hain iske liye bhi ek medicine ke taur per use kiya jata hai. Iske liye ek soft cotton ka kapda lein. Sabse pehle cotton ke kapde ko chorus kar ke ache se castor oil mein soak Karen aur excessive oil ko ache se nikal dein fir is kapde ko affected jod per rakhen aur plastic wrap se ise ache se covered kar dein.Fir hot water bottle koiske upper rakh dein. Ise 1 ghante tak aise hi rehne dein aisa karne se joints pain mein bahut hi relief milega. Castor oil mein anti inflammatory gun hote hain is liye yeh joints ko thik karta hai.

3) Backache Ke Liye : Back pain ke liye castor oil bahut hi asardaar hai iske liye aap castor oil ki apne dard wali jagah per ache se massage Karen fir is per soft cotton ka kapda rakh kar us jagah ko dhak dein fir garam pani ki bottle us par rakhen is se aapko bahut relief milega. Ise aap poori raat tak dhak kar rakhen aisa thode thode dino ke baad karne se aap ki backache ki problem bikul hi thik ho jayegi.

4) Ghav Aur Cuts Ke Liye : Agar kisi ko minor cut ya ghav ho gaya ho aap us jakham per castor oil laga sakte hain kyunki yeh anti inflammatory hota hai is se infection ka dar nahi rehta aur ghav mein dard bhi kam ho jata hai.

Is tarah castor oil mein kayi tarah ke gun hote hai jo humne upper aapko bataye hain aap inka laabh utha sakte hai aur apni skin, hairs aur health ko thik rakh sakte hain.

LEAVE A REPLY

Please enter your comment!
Please enter your name here