Benefits of Cucumber in Hindi – Janiye Kheera Khane Ke Fayde

0
141

Benefits of Cucumber in Hindi – Jab bhi hum salad banate hain usme kheere ka hona bahut zaroori hai. Kheere ke bina salad ka swaad hi nahi aa pata aur garmiyon mein to khaas kar log kheere ka sewan adhik matra mein karte hain kyunki kheere ki taasir thandi hoti hai ye body keander thandak pahunchata hai. Aur garmi ko kam karta hai. Kheer mein bahut se gun hote hain yeh skin, pet aur bahut si bimarion mein dawai ke roop mein bhi khaya jata hai. Aaj ke hamare tips kheere se hi sambandhit hai. To aaiye jante hai kheera khane ke fayde.

Kheera Ke Istemal Ke Kuch Labhdayak Fayde:

1) Kheera pani ki kami ko door karta hai kyunki kheere mein adhik matra mein pani hota hai isliye khaas kar garmiyon mein log kheere ka khoob sewan karte hai.

2) Kheera hmare sharir ki garmi ko door kartahai pet mein ya chest mein agar jalan ho rahi ho acidity ki vjah se to kheere ka sewan Karen yeh bahut laabh pahuchata hai.

3) Kheera sharir mein mojud vishele padarthon ko samapt karta hai aur body ko ander se saaf rakhta hai.

4) Kheere ko gol gol tukdon ko agar aap ankhon ke upper rakhte hain to is se bahut rahat milti hai ankhon ko thandak bhi milti hai. Is se ankhon ke niche ke dhabe door ho jaate hain aur ankhon ki soojan kam ho jati hai.

5) Kheere ka ek khaas gun yeh bhi hai ki jin logon ko kabaj ki shikayat hoti hai agar weh har roz kheere ka sewan Karen to unki kabaj kiproblem bilkul khatam ho jayegi.

6) Kate hue kheere mein nimboo, kala namak, kali mirch daal kar khane se yeh swadisht to lgega hi sath hi sath yeh khane ko bhi pachane mein sahayak hota hai.

7) Kheere mein bharpoor matra mein vitamins hote hain jese vitamin A, B , C iske ilawa kheere mein magnesium, calcium aur silica aadi hota hai jo tawacha ke liye bahut hi ache mane jate hain.

8) Agar sun burn ho gaya ho skin per kahin per to aap kheere ka ras laga sakte hain is se bahut thandak lmilegi twacha per.

9) Kheera ek cleanser ka bhi kaam karta hai agar aap kheere ke ras mein nimboo ka ras milakar apne chehre per lagayenge to is se apki twacha nikhar jayegi.

10) Kheera motape ko bhi kam karne mein sahayak hota hai. Jab bhi aapko bhukh lage to aap to aap kheere ka sewan kiya kijiye kyunki kheere mein 96% pani aur fiber hota hai. Jo ki bina kisi bhi calorie ke hota hai. Kheere ko khane se apka wazan nahi badhega. Agar aap kheere ka salad bana kar khate hain to aapka wazan kam hone lagega.

11) Kheere ka sewan diabetes ke rogion ke liye bhi bahut hi laabhkari hai. Kheera body mein insulin ki matra ko control karta hai.

12) Kheera cholesterol ko bhi kam karne me madad karta hai kyunki is me sterol hota hai jo ki body mein cholesterol ko badhne se rokta hai.

13) Kheera uch rakat chaap ke rogion ke liye bhi bahut hi laabhkari hai kyunki kheera thanda hota hai isliye jin logon ka blood pressure high rehta ho unhe kheere ka sewan salad ke roop mein zaroor karna chahiye.

Benefits of Cucumber in Hindi, Skin Ke Liye Kheera Ke Fayde:

Niche humne kuch kheere ke pack bataye hain agar aap in packs ko ghar per a[nayenge apni skin per to aapko bahut laabh hoga.

1) Skin Tanning Ke Liye : Dhoop mein ghumne se ya iske sampark mein ane se skin tan ho jati hai isko door karne ke liye aap kheere ka ras lijiye aur rise apne poore chehre per lagayiye is se mild bleaching bhi ho jati hai aur tanning bhi dur ho jati hai. Aur face glow karne lagta hai.

2) Skin Revitalization Ke Liye : Kheere mein yeh khaas gun hai ki yeh skin ko punerjivit karta hai is ke liye kheere ka guda shehad, nimboo, aloevera gel aur dahi lein in sabko mila kar pack bana lein aur is face pack ko apne poore chehre par ache se lagayen aur 15-20 minute tak ise laga rehne dein jab yeh sukh jaaye to luke warm water se apne chehre ko ache se dho lein. Fir thande pani se dhoyen is se apki skin ke pores band ho jayenge.

3) Sunburn Ke Liye : Garmiyon mein khaas kar sunburn ek aisi problem hai jo bahut se logon ko pareshan karti hai iske liye aap ek kaam yah kar sakte hain ki kheere ke chhote chhote tukde kar lein aur inhe us jagah per lagayen jahan aapko sun burn ho gaya hai. Is se aapko bahut hi laabh hoga.

Cucumber Benefits in Hindi, Hair Ke Liye Kheera Ke Fayde:

Kheere ka ras baalon ke liye bhi bahut hi laabhdayak hai. Agar aap kheere ka ras baalon per lagayenge to is se aap ke balon ki girne ki samasya door ho jayegi. Kheere mein sulphur, silicon, sodium aur calcium ki matra bahut adhik hoti hai jo hamare balon ki growth ke liye bahut hi zaroori hai. Islye kheere ka ras lagane se apke baal lambe aur shiny bhi jate hain.

Kheera ek tarah se apne aap mein guno ki khaan hain aap agar in tips ko apnayenge to yeh bahut useful honge aapke liye.

LEAVE A REPLY

Please enter your comment!
Please enter your name here