Benefits Of Drinking Water In Hindi – Janiye Pani Pine Ke 12 Fayde

0
158

Benefits Of Drinking Water In Hindi – Paani ko jeevan kaha jaata hai yeh kehna galat nahi hai. Kyunki paani ke bina koi bhi chahe wo insaan ho ya koi pashu pakshi koi bhi jivit nahi reh sakta. Lekin paani kewl hamein jinda hi nahi rakhta balki hmare jeevan ki kai samasyaon kai healh related problems ko bhi door karne mein bahut hi sahayak hai. Aaj hum aapko batayenge ki paani peene se kya kya faayde hote yeh kese hamare sharir ki raksha karta hai aur hamen jeevandaan deta hai.

Paani Peene Ke Fayde:

1) Healthy Rehne Ke Liye : Healthy rehne ke liye jitna zaroori exercise ya yoga karna hai usi parkaar paani peena bhi hai. Paani ka sabse mehatavpooran faayda yeh hai ki paani hmaare swasth ke liye bahut hi zaroori hai agar ek insaan ko healthy aur fit rehna hai to use daily kam s kam 8 se 10 glass paani zaroor peena chahiye.

2) Glowing Skin Ke Liye : Paani se na kewal aapka swasth acha rehta hai balki aap apne chehre ko bhi saaf aur chamakdaar bana skte hai. Aap agar chahte hain ki hmesha khoobsoorat lagen to hmesha yaad rakhen ki bharpoor matra mein paani peeyen kyunki paani hmare sharir ke gande padarthon ko bahar nikalta hai aur hmara blood purify karta hai jis se hmari twacha damakne lagti hai.

3) Motapa Kam Karne Ke Liye : Paani se motape ko bhi kam kiya ja sakta hai. Paani mein calorie ki maatra zero hoti hai aur aapki bhookh ko bhi kam karta hai. Jisse aap baar baar khaana nahi khaayenge. Thande paani ka upyog karein. Yeh body ke vishele padarthon ko bahar nikalta hai. Fats ko bhi kam karta hai.

4) Digestion Ke Liye : Jin vyaktoyon ki paachan shakti kamzor hoti hai unko zyaada se zyaada paani peena chaahiye kyunki zyaada paani peene se hamari paachan shakti badhti hai. Har roz subeh uthkar 2 glass paani peena chaahiye is se aapka pet bhi saaf rahega aur aapko abhi bhi indigestion ki problem nahi rahegi.

5) Constration Ke Liye : Apne constration ko badhaane ke liye bhi paani bahut hi laabhdaayak hai, Is se aapka man shant rehta hai. Hamare dimag ko kam se kam 90% paani ki zaroorat hoti hai. Paani peene se hmesha dimag fresh rehta hai aur constration bhi badhta hai. Kaam mein adhik man lagta hai.

6) Thakaan Se Rahat Ke Liye : Aap jab bhi bahar jaayen to hmesha apne saath paani ki bottle rakhen kyunki paani aapki thakaan ko bahut hi jaldi kam karta hai. Agar aapko kisi bhi kaam karne se thakaan ho gayi ho to aap pani peeyen Is se aapki thakan bhi door ho jayegi aur aap fresh bhi feel karenge.

7) Garmi Se Bachaav : Garmeeyon mein khaaskar adhik maatra mein paani ka sewan karna chahiye kyunki garmiyon mein bahut paseena aata hai aur sharir mein paani ki kami ho jaati hai.Agar aap poori garmiyaan bharpoor matra mein paani peete rahenge to aap hmesha garmi ke dush parbhavo se bache rahenge:

8) Vishele Tatvo Ko Bahar Nikalta Hai : Hum jitna bhi adhik paani peete hain utna hi hamari body mein jo bhi vishele padarth hote hain wo urine ke zariye bahar nikal jaate hain. Kyunki hmari body mein kayi tarah kezehrile padarth hote hain jo hamari health ko khraab karte hain agr hum daily 8 se 10 glass pani peeye to yeh padarth bahar nikal jaate hain paseene ke roop mein aur urine ke roop mein.

9) Skin Diseases Ke Liye Laabhdaayak : Bahot si skin diseases aisi hoti hain jo paani prayapt matra mein na pine se hoti hain isliye aap agar har roz khoob paani piyenge to aapko kabhi bhi skin ki diseases nahi hongi aur agar skin diseases hain to paani peene se thik ho jaayegi. Skin ki kayi tarah ki bimariyan hoti hain jo paani se thik ho jaati hain jese dryness, syrosis, allergy etc. Padhiye anya skin ki care karne tips.

10) Muscles Ko Energies Karta Hai Pani : Jab bhi aap exercise karte hain to aapki manspeshiyon ko prayapt matra mein fluid ki awashakta hoti hai kyunki agar aapki muscles mein fluid nahi hoga to aap jaldi thak jaayenge isliye yeh bahut zaroori hai ki aap prayapt maatra mein paani ka sewan Karen taki aapke muscles relax rahen. Padhiye muscle banane ke tips.

11) Heart, Kidney, Diseases Ke Liye Jeevandaayak : Paani peene se kai tarah ki beemariyon se bacha jaa sakta hai jese dil ki bimari, heartattack, kidney diseases, pathri. In sabhi rogon se mukti deelata hai paani. Isiliye paani ko jeevandaayak maana jata hai. Padhiye healthy heart tips hindi me aur kidney care tips hindi me.

12) Migraine Aur Headache Ke Liye : Agar kisi vyakti ko mograin ki problem hai ya bahut zyaada sir mein dard ho raha ho to khoob paanipeeyen kyunki in dono bimariyon ki vajah hoti hai dehydration. Aur paani peene se is samasya se mukti paayi ja sakti hai.

Is parkaar paani hamre sharir ke sabhi parts ko sahi parkaar se chalane ke liye bahut hi awashayak hai isliye har roz kam se kam 8 se 10 glass pani zaroor peeyen. Is se aapki body, mind, muscles, kidney, heart sabhi healthy rahenge.

LEAVE A REPLY

Please enter your comment!
Please enter your name here