Benefits of Garlic in Hindi – Janiye Lahsun Khane Ke Chamatkaari Fayde

0
70

Benefits of Garlic in Hindi – Lehsun mein chamatkarik gun hote hai yeh kehna galat nahi hai. Khaane mein swaad ko to lehsun badhaata hi hai lekin iske ilaawa kayi parkar ke pet ke vikaaron ko bhi door karta hai lehsun. Kuch logon ko lehsun se durgandh aati hai lekin unko yeh nahi maloom ki lehsun se kya kya faayda hote hain aaj hum aapko lehsun ke inhi guno ke bare mein bataayenge. Yeh ek uttam aushidhi ke roop mein upyog kiya jaata hai. Is se kayi laabh hote hai jinko humne niche bataya hai.

Lahsun Ke Chamatkaari Fayde Aur Gun:

1) Heart Ke Liye Gunkari : Lehsun khaane ke kayi laabh hote hain. Lehsun khaane se dil ki beemari ka khatra kam ho jaata hai kyunki yeh body mein ache cholesterol ko badhaata hai aur bad cholesterol ko kam karta hai. Is parkaar yeh heart ko sucharu roop se chalane ke liye bahut hi laabhdaayak hai. Janiye heart ki dekhbhal ke liye kuch anya upay.

2) Blood Circulation Thik Rehta Hai : Lehsun ka ek aur mehatavpooran gun yeh hai ki yeh blood circulation ko thik karta hai aur blood ko patla karne mein sahaayak hai jin logon ka blood gadha hota hai unke liye yeh bahut hi laabhdaayak hai.

3) Khaane Mein Swaad Ko Badhaata Hai : Lehsun har sabji mein agar iskaupyog kiya jaaye to yeh khaane ke swaad ko dugna kar deta hai. Chaahe garmi ho ya sardi lehsun ka upyog har sabji mein zaroor karna chaahiye. Is se gas ki problem bhi door ho jaati hai kuch aisi sabjiyan ya daalen hoti hai o pet mein acidity ya gas karti hain lekin unme lehsun daal kar aap is problem se chhutkara paa sakte hain.

4) Cancer Ke Liye Laabhkaari : Yeh maana jata hai ki lehsun kewal choti choti bimariyon ya kewal khaane mein swaad ko hi nahi badhaata balki yeh cancer jaisi badhi beemariyon mein bhi bahut laabh karta hai. Doctors ka man na hai ki agar pancreas, breast cancer ke rogiyon ko har roz kacha lehsun khaana chahiye yeh unke liye bahuthi laabhdaayak hai.

5) Thand Se Bachaata Hai : Yeh maana jaata hai ki lehsun ki taseer garam hoti hai isliye lehsun hamare sharir mein garmi ko utpan karta hai jin logon ko zyaada thand lagti hai agar weh sardion mein lehsun ka adhik upyog karen to unhe thand kam lagti hai. Sardion mein gaajar, adarak aur lehsun ka juice bana kar peena chaahiye isme bharpoor maatra mein antibiotic hote hain. Jinse thand kam lagti hai.

6) Daant Dard Mein Laabhdaayak : Lehsun se dant ke dard ko thik karne mein bhi bahut hi upyogi hai yeh maana jaata hai ki agar dant mein dard ho to long ke saath lehsun ko pees kar us jagah per lagaayen jahan per daant mein dard ho raha ho to turant hi daant ka dard thik ho jaata hai.

7) Pregenancy Ke Liye Laabhdaayak : Pregent aurton ke liye lehsun baut hi upyogi hai is se garbhwati mahilaon aur unke bachon ko bahut laabh hota hai. Is se bache ka vazan badhta hai. Agar garbhwati mahila ko high bloodpressure ki shikaayat ho to weh bhi door hoti hai. Yeh shishu ko nuksaan se bachaata hai. Is se poorav prasav ka khatra bhi kam ho jaata hai.

8) Baalon Ke Liye Gunkari : Jis parkaar pyaaz baalon ke liye bahut hi laabhdaayak hai usi parkar lehsun bhi baalon ke liye bahut laabhdaayak hai. Agar baalon mein lehsun ko crush karke ragra jaaye to is se aapke baalon ki girne ki samasya bhi door ho jaati hai.

9) Diabetes Ke Liye Gunkari : Lehsun diabetes ke rogion ke liye bhi bahut hi laabhdaayak hai. Lehsun se body mein insulin ke maatra badhti hai jis se diabetes control hoti hai. Madhumeh ke rogi ko har roz kam se kam ek lehsun zaroor khaana chaahiye.

10) Kaan Ke Dard Ko Door Karta Hai : Lehsun ka upyog pracheen kaal se hi kaan ke dard ke liye bhi kiya jaata hai. Agar aapke kaano mein dard ho to lehsun ke tail ki 2-3 boonde kaan mein daal lein is se aapke kaan ki saari wax bhi nikal jaayegi aur kaan ke bacteria bhi mar jaayenge.

11) Paachan Tantar Ko Majboot Karta Hai : Lehsun paachan tantar ko majboot karne mein bahut sahaayak hai. Agar har din khaana khaane ke baad kuch kaliyan lehsun ki kha li jaayen to is se paachan shakti majboot hoti hai. Khaaskar vasa waala khaana khaane ke baad yeh zaroor khaana chahiye.

Sundarta Ke Liye Lahsun Ke Fayde:

1) Daag Dhaabon Ke Liye : Lehsun chehre ke daagon aur til ko bhi door karta hai. Iske liye daag waali jagah per lehsun lagaya Karen. Lehsun mein anti bacterial gun hote hain. Yeh khujli ko bhi thik karta hai. Is se chehre daag bilkul saaf ho jaate hain.

2) Aging Se Chhutkara : Lehsun anti ageing ka bhi kaam karta hai apne face pack mein agar aap kuch boonde lehsun ki daal dein to yeh anti ageing ka kaam karta hai. Yeh pack hafte mein ek hi baar lagaayen.

3) Pimple Ke Liye Laabhdaayak : Lehsun se aap muhason ko door kar sakte hain iske liye aap pimple per lehsun ka ras lagaayen is se pimple gaayab hone lagte hain. Iske ras mein aap white vinegar bhi daal sakte hain.

4) Blackhead Ke Liye : Lehsun black aur white heads ko bhi door karta hai. Jab bhi aap scrub karte hai to aap apne scrub mein lehsun ka ras mila lein aur fir ise lagaayen is se wite aur blackheads door ho jaayenge.

5) Strech Mark Hataaye : Har maa chaahti hai ki use kisi bhi tarah ka stretch mark na hon iske liye lehsun bahut hi gunkaari hota hai. Lehsun ko stretch mark per try karein fir iska asar dekhen is se stretch mark bhi door ho jaate hain.

Is parkaar aaj humne koshish ki hai ki apne paathko ko lehsun ke alag alag faaydon ke bare mein jaankari dein taki weh is se kuch laabh utha saken aur apni bahut si samasyaon ko door kar saken.

LEAVE A REPLY

Please enter your comment!
Please enter your name here