Benefits of Ginger in Hindi – Janiye Adrak Khane Ke Labhdayak Fayde

0
182

Benefits of Ginger in Hindi – Kisi bhi sabji ka agar aapko swaad badhaana ho to masaale mein adrak ka hona bahut hi awashayak hai. Adark ek aisa masaala hai jo har ghar ki rasoi mein paaya jaata hai. Yeh kewal aapke khaane ka swaad hi nahi badhaata balki yeh aapki health ko bhi thik rakhne mein bahut hi sahaayak hai. Adarak mein bahut se gun paaye jaate hain. Yeh kayi tarah ke shaarik vikaron ko door karta hai. Isme kayi parkaar ke poshik tatav paaye jaate hai jaise iron, calcium, iodine, chlorine aur vitamin ityaadi. Adarak ko sukha aur taaza dono tarah se istemaal kiya ja sakta hai.

Benefits of Ginger in Hindi, Adrak Khane Ke Fayde

1) Khaane Ka Swaad Badhata Hai: Sabji ka swaad badhaane ke liye kayi parkaar ke masaalon ka upyog kiya jaata hai jinme se adark bhi hai. Adarak ka sabse pehla aur mehatavpooran faayda yeh hai ki agar aap apni rasoi mein ban ne waali har sabji mein adark ka istemmal karenge to is se aapki sabji ka swaad aur bhi dugna ho jaayega.

2) Bhojan Ko Pachaane Mein Sahayak: Adrak ka ek bahut hi khaas gun yeh hai ki yeh na kewal aapki sabji ka swaad badhaati hai balki aapke dwaara khaaye jaane wale khaane ko bhi pachaati hai aur aapki paachan shakti ko badhaati hai.

3) Khaansi Ke Liye Laabhdaayak: Agar aapko khaansi hai aur wo thik nahi ho rahi to adarak ka ras iske liye bahut hi laabhdaayak hai. Aamtar log khaansi ko thik karne ke liye adark ka upyog karte hai yeh ek aushdhi se kam nahi hai. Adrak k eras mein shehad milakar 1-1 chamch sube sham peene se khansi mein bahut hi laabh hota hai.

4) Sardi Jukhaam Ke Liye: Adark mein aushadhiy gun koot koot karbhare hue hain. Agar aapko sardi aur jukhaam ho gaya ho to aap adarak ke tukde ko lein aur us par thoda sa namak lagakar dheere dheere choosen is se aapki sardi aur jukham bahut hi jald thik ho jaayega.

5) Jodon Ke Dard Mein Laabhdaayak: Badhti umer ke saath saath jodon ke dard ki samasya ka hona laazmi hai. Adark mein itne saare gun hai jo kabhi bhi khatam nahi honge agar kisi vayakti ko jodon ke dard ki shikaayat ho to adark mein iska raambaan ilaaj hai. Rozaana ek chamach adrak ka ras ka sewan karne se aapke jodon ke dard ki samasya hmesha ke liye thik ho jaayegi.

6) Blood Pressure Ko Control Karti Hai: Adrak mein kayi tarah ke gun hote hai jin logon ko high blood pressure ki shikaayat ho unke liye bhi adark ka sewan karna ek raambaan dawa hai. Adark ka sewan karne se blood patla hota hai. Is liye yeh blood pressure ko ghataane ke kaam mein ata hai.

7) Asthama Ke Liye Raambaan Ilaj: Asthama jaisi bhayakar bemari ke liye bhi adark bahut hi laabhdaayak dawa hai. Agar kisi ko asthama ki shikaayat ho to adark ke ras ke saath shehad milakar chaatne se asthama ki shikaayat door ho jaati hai.

8) Sharirik Kamzori Ke Liye Laabhdaayak: Adark mein kayi tarah ke poshtik tatav paaye jaate hain jese protein, khanij padarth, resha aur carbohydrates inhi sabhi gunokekaaran adark sharir ki kamzori ko bhi door karne mein mehatavpooran dawa ke roop mein istemaal kiya jaata hai. Yeh sharirko chust aur tandrust rakhta hai. Yeh sharir kogarmi bhi deta hai khaaskar sardiyon mein yeh bahut hi faaydemand hai.

9) Pet Ki Gas Ko Door Karne Ke Liye: Pet mein gas ki samasya ek aam samsya hai jis se bahut se log grasth hote hain. Iske liye market mein kayi tarah ki dwaaiyan milti hai churan milte hain. Lekin iska sabse pakka ilaaj to aapke ghar mein rasoi mein hi hai wo hai adark ka sewan. Sukhi adrak yani ki sonth lein usme kaala namak milaayen aur heeng milakar iska rozaana sewan Karen is se aapki gas ki samasya bilkul thik ho jaayegi yeh gas ke liye ek achook dawa hai.

10) Twacha Ki Sundarta Ke Liye: Adark na kewal aapki health ko thik rakhti mein sahaayak hoti hai balki yeh aapki twacha ki sundarta ko badhaane mein bhi sahaayak hoti hai. Agar aap apni twacha ko sunder banana chaahte hain aur hmesha jawan rehna chaahte hai to har roz subeh ek glass garam paani ke saath adark ka ek tukda zaroor khaayen.

11) Cholestrol Ko Niyantrit Karta Hai: Adarak aapke cholesterol ko bhi niyantrit rakhne mein upyogi hai jin logon ka cholestrol badha hota hai unko heart attack ki sambhawna badh jaati hai. Adarak ke sewan se blood ke clot nahi bante aur khoon patla rehta hai jis se cholesterol niyantrit rehta hai. Is se blood circulation bhi ekdum sahi rehta hai. Is tarah yeh dilki beemari ko bhi thik rakhne mein sahaayak hota hai.

12) Kayi Rogon Mein Sahayak: Adarak ka sewan karne se kayi parkaar kea nay rogon ko bhi door karne mein sahaayta milti hai jaise gadhiya ka rog, airthrirtis, saitica aur bhi kayi rogon ko door karne mein adark ka sewan laabhdaayak hota hai.

Adark ek parkaar ki aushadhi hai jiska upyog humen kisi na kisi roop mein awashay karna chaahiye. Iske chamatkaari gun hamari health, mastishk aur sundarta ke liye vardaan hai.

LEAVE A REPLY

Please enter your comment!
Please enter your name here