Benefits of Guava Fruit in Hindi – Janiye Amrood Ko Khane Ke Fayde

0
66

Benefits of Guava Fruit in Hindi – Guava yani ki amrood ka fal. Iske bare mein aap sab jante to honge hi. Aap yah bhi jaroor jante honge ki yah ek bahoot hi swadist fal hai. Lekin sayad aap yah nahi jante honge ki yah bahut se aushdhiya gun se bhi bharpoor hai aur yah fal kai prakar ke swasth aur sundarta se juri samasya ko dur karne ke liye bahut laabhdayak hai. Yah bahut se allergies ko bhi door karne me sahayak hai. Amrood me bahut sare paustik tatva bhi bharpoor matra me hote hai jaise ki copper, vitamin c aur fiber jo ki kayi parkaar ke rogo ki roktham ke liye labhdayak hai. Isiliye aaj ham apko amrood khane ke fayde ke bare me batayenge. Amrood Yani ki guava ke benefits ko janne ke liye yah lekh poora jaroor padhe.

Benefits of Guava Fruit in Hindi, Amrood Khane Ke Fayde:

1) Diabetes Ke Liye Acha Hai: Amrood mein wese to bahut se aushdhiy gun hote hain lekin yeh madhumeh ke rogion ke liye bhi bahut hi labhdayak fal hai. Is mein bharpoor matra mein fiber paya jata hai jis se rakt mein sharkra ko yeh kam karta hai aur diabetes ko control karne mein madad milti hai.

2) Vitamin C Ki Kami Ko Door Kare : Jin logon mein vitamin c ki kami hoti hai unko amrood ka sewan zaroor karna chahiye kyunki amrood ek aisa fal hai jisme santre aur nimboo se bhi zyaada vitamin c ki matra payi jati hai isliye amrood ka sewan zaroor karna chahiye.

3) Thyroid Ke Liye Labhprad : Amrood se kayi parkar ke rog thik ho jate hain unme se ek hai thyroid. Thyroid ke rog se aaj log bahut preshan hai aur yeh rog aam ho gaya hai lekin amrood ka agar nitay sewan kiya jaye to thyroid jese rog se bhi chhutkara paya ja sakta hai. Kyunki amrood mein bharpoor matra mein copper paya jata hai jo ki thyroid ke rogion ke liye bahut hi labhdayak hai.

4) Allergy Ko Door Kare : Amrood allergy ke rog ke liye bhi upyog kiya jata hai jin logo ko allergy, foreh, phunsi hoti hain agar weh ek pake hue amrood ko paani mein ubal lein aur ise kharish wali jagah per laga lein to is se bahut laabh hoga kharish door ho jayegi.

5) Muh Ke Ulcers, Gum Pain Me Fayda : Amrood se muh ke ulcer, gum pain, mouth smell jaisi problems se chutkara milta hai. Amrood ke soft patte lein unko pani mein ubaal kar is pani se agar garare kiye jaaye to muh ki sabhi problems door ho jati hai.

6) Kabaj Ke Liye Gunkari : Amrood ke sewan se constipation ki bimari bhi door ho jatihai kyunki isme bharpoor matra mein iodine, biotic oil aur protein hote hai jo kabaj ko thik karte hain is liye kabaj ke rogi ko amrood ka sewan zaroor karna chahiye.

7) Soft Skin Ke Liye : Amrood skin ko bhi soft karne mein bahut madad karta hai. Amrood ke gude ko paste ki tarah bana lein aur is face pack ko apne chehre per ache se lagaye 10 minute is pack laga rehne dein aur fir thande pani se dho lein is se apki skin bilkul soft ho jayegi.

8) Ankhon Ke Liye Gunkari : Amrood ek aisa fal hai jis ke sewan se ankhon mein hone wali kayi parkar ki bimarion ki roktham ki ja sakti hai. Yeh motiabind, ankhon ki roshni tez karne ke liye aur ankhon mein chamak lane ke liye bahut hi labhprad hai. Amrood mein vitamin A aur retinol ki matra bahur adhik payi jati hai jo ki uprok sabhi parkar ki ankhon ki bimarion ke liye gunkari hai.jin logon ko gajar pasand nahi hai we amrood ka sewan karke apni eyes ki problems ko door kar sakte hain.

9) Motapa Kam Karta Hai : Agar aap apna wazan kam karna chahte hain to apne diet chart mein amrood ko add kar lein kyunki amrood mein bharpoor matra mein proteins, vitamins aur fiber hota hai jo ki motape ko kam karta hai sath ke sath yeh khane ko bhi digest karta hai. Amrood mein cholesterol aur carbohydrates ki matra kam hoti hai jo ki wazan ko kam karti hai. Amrood ka fal aisa hai jo aako asaani se uplabhdh ho jata hai to is liye amrood ka sewan shuru kar dein motapa kam karne ke liye.

10) Body Ko Healthy Rakhne Ke Liye : Amrood mein bharpoor matra mein poshtik tatav paye jate hain is liye hamari body ki overall health ke liye bahut hi gunkari hai. Lekin amrood ka sewan sahi samay per karna chahiye amrood kabhi bhi raat mein nahi khana chahiye kyunki raat ko amrood ko khane se khansi ho jati hai is liye din mein aap amrood ka sewan karke iska laabh utha sakte hain.

11) Nasha Kam Karne Ke Liye : Amrood ka sewan nashe ko bhi kam karne ke liye kiya ja sakta hai.Agar kisi vyakti ko bhang ka nasha chadh gaya ho to use amrood ke patton ka ras pila dena chahiye is se nasha utar jata hai. Ya agar wo amrood ke patton ko ache se chaba paaye to use sidha patta hi de dena chahiye chabane ke liye.

12) Pet Dard Mein Laabhdayak : Amrood pet ke dard ko bhi thik karne ke liye kiya jata hai. Pake hue amrood mein agar namak milakar kha liya jaye to pet ka dard kam ho jata hai. Pet dard mein amrood ke patto ko pees kar pani mein ghol kar peene se bhi pet ka dard thik ho jata hai.

Is parkar amrood mein kayi parkar ke gun hote hain. Aur iske aushdhiy gun to bahut adhik hai. Jis se kayi parkar ke rogo ko control kiya ja sakta hai.

LEAVE A REPLY

Please enter your comment!
Please enter your name here