Benefits of Yoga in Hindi – Janiye Yoga Karne 13 Behtareen Ke Fayde

0
155

Benefits of Yoga in Hindi – Aaj ke samay mein koi bhi aisa vayakti nahi hoga jo yoga ke guno se anbhigay hoga. Kyunki yoga mein wo shakti hai jo aapko na kewal swasth rakhti hai balki yeh aapke man aapke vichaaron ko bhi prabhaavit karti hai. Ab to aaj ke adhunik vigyanikon ne bhi iske guno ko parmanit kar diya hai ki koi bhi aisa rog nahi nahi hai jo yoga exercises se thik na ho sake. Aaj apne paathkon ko hum yog se sambamdhit jaankari denge ki kese aap yoga se apni body ko healthy rakh sakte hai aur iske kya kya benefits hai jinka aap laabh utha sakte hain.

Yoga Kyun Karna Chahiye:

  • Apne swasthy ko acha rakhne ke liye yog zaroori hai.
  • Mansik shanti ke liye
  • Rogon se mukat rehne ke liye yog zaroori hai.
  • Apni body ko fit aur active rakhne keliye
  • Stress se door rehne keliye
  • Apni manspeshion ko majboot karne ke liye
  • Motape se mukti ke liye yoga zaroori hai.
  • Energy level ko badhaane ke liye

Benefits of Yoga in Hindi, Yoga Karne Ke 13 Behtareen Fayde:

1) Achi Health Ke Liye : “ Karo Yog Raho Nirog ” yeh kehna galat nahi hoga Yoga ka sabse pehla aur mehatavpooran gun hai ki yeh achi health ke liye bahut hi zaroori hai. Yoga karne se na kewal sharir ke kisi ek bhaag ko fayda pahunchta hai balki yoga sharir ke sabhi ango ko sucharoo roop se chalane mein sahaayak hota hai.

2) Rogon Se Ladne Ki Shakti : Nirogi rehne ke liye yoga karna bahut hi awashayak hai. Yoga hamaari body ko kayi tarah ke rogon se ladne ki shakti deta hai. Yeh hamaari poori body ko swasth rakhta hai. Is se body nirog rehti hai. Yoga karne se body ke sabhi ango ka vikaas hota hai.

3) Muscles Ko Strong Banata Hai : Yoga se maanspeshiya majboot banti hain. Yoga se jo vyakti dubla patla hota hai wo sehatmand ho jaata hai aur jo vyakti mota hota hai uske fat burn ho jaata hai. Is parkaar yoga patle aur mote dono parkaar ke vyaktiyon ke liye laabhdaayak hain.

4) Sugar Ke Liye Laabhdayak : Yoga exercises sugar ke rogion ke liye bhi bahut hi laabhdaayak hai. Yoga mein kayi aisi kriyane aur aasan hote hain jinko karne se sugar high sugar aur high blood pressure kam ho jaata hai. Lekin sugar aur blood pressure ke rogion ko hmesha yoga instructer ke paramarsh sehi yogik exrcises karni chaahiye. Kyunki har yoga asaan unke liye upyukt nahi hai.

5) Ekagrata Badhaane Ke Liye : Yoga ka ek khaas gun yeh hai ki yeh ekaagrta ko badhaane mein bahut hi laabhdaayak hai. Khaaskar padhne waale bachon ko har roz thoda sa yoga zaroor karna chaahiye is se unki padhaai mein ekagrta badhegi aur jaldi se sab kuch yaad ho jaayega.

6) Maansik Shanti Ke Liye : Yoga ka ek aur gun yeh hai ki yeh maansik shaanti pardaan karta hai. Yog karne waala vayakti hmesha tanaav aur chinta se mukt rehta hai. Is se sharir mein rakt ka parvah thik tarah se hta hai. Yog karne se sharir ko urja milti hai.

7) Lachkilapan Laane Ke Liye Laabhdaayak : Body mein flexibility laane ke liye yoga bahut hi laabhdaayak hai. Jo vayakti exercise nahi karte unki maanspeshiyan jakad jaati hain. Aur sharir ka lachkilapan khatam ho jaata hai. Agar weh log har roz yoga ka abhyaas karenge to unka sharir fir se lachkila ban jaayega.

8) Jodon Ke Dard Mein Raahat : Nity yoga ke abhyaas se aapki manspeshiyan majboot aur lachkili ho jaati hai jis se aapkejod majboothojaatehai aur jodon kedard se raahat milti hai isliye jodon ke dard waale rogi ko yoga zaroor karna chaahiye.

9) Anidra Door Hoti Hai : Aaj kesamay mein aur bhaagdaud ki zindagi mein kayi aise log hote hai jinhe anidra ka rog hota hai unhe neend nahi aati lekin agar we yog karte hain to unko mansik shanty milti hai aur raat ko neend bhi bahut hi achi aur gehri aati hai.

10) Face Per Glow Ke Liye : Yog karne se naa kewal kayi parkaar ke sharirik rog door hote hain balki yeh aapki twacha ke liye bhi bahut hi laabhdaayak hota hai. Agar har roz yoga ka abhyaas kiya jaaye to is se chehre per natural glow aata hai jo kisi bhi market ki mehangi se mehngi cream se nahi aa sakta. Kyunki yoga se body ka blood circulation sahi hota hai. Jis se aapke skin mein glow aata hai.

11) Stress Aur Tension Door Karta Hai : Jo log pratidin yoga ka abhyaas karte hain unko dusre vayaktion ke mukable jo yoga nahi karte stress aur tension kam hota hai iska kaaran yeh hai yoga karne se hamara mind aur body relaxed ho jaati hai jis se tension aur stress bhi dheere dheere kam hone lagta hai.

12) Weight Loss Ke Liye : Aaj ke samay mein weight loss karne ke liye kayi tarah ki dwaayian aur drinks aate hain. Jo bahut hi costly to hote hi hain dusre unke kayi parkaar ke side effects bhi hote hain. Lekin yoga ek aisi exercise hai ki agar aap yoga instructor ki madad se karenge to motapa to kam ho hi jaayega aur aap hmesha healthy, fit and fine bhi rahenge.

13) Height Badhaane Ke Liye : Aaj ke samay mein achi lambi height hona bahut hi awashayak hai khaaskar jo log police line mein ya soldier, army mein jaana chaahte hai ya modeling karna chaahte hai. Lekin agar aapki height chhoti ho to is line mein jaane mein bahut kathinaayi hoti hai. Market mein kayi aise syrup, golian, capsule aate hain jinka daawa kiya jaata hai ki is se aapki height badhegi. Lekin wo such nahi hota. Yoga mein kayi aisi asan hai jinse height lambi hoti hai. Janiye height badhane ke liye tips.

Yoga karna bahut hi laabhdaayak hai. Jaisa ki humne upper is se hone waale laabhon ka varnan kiya hai. Aap bhi aaj se hi yoga karke swasth rahein aur auron ko bhi prerit karein.

LEAVE A REPLY

Please enter your comment!
Please enter your name here