Car Driving Tips in Hindi – Gadi Chalate Waqt Dhyan Rakhne Wali Batein

0
84

Car Driving Tips in Hindi – Car driving karte samay aap ko kin baton ka dhyaan rakhna chaahiye aaj hum apko iski jaankari denge. Bahut se aise tips hain jinka dhyaan apko driving karte samay rakhna hota hai. Kyunki car driving ke samay apki thodi si bhi laparvaahi apko nuksaan pahuncha sakti hai. Niche kuch aise hi tips diye gaye hain jinka apko dhyaan rakhna hai.

Car Driving Tips in Hindi Me, Car Drive Karte Waqt Dhyan Rakhnewali Batein:

Relax Mind Hokar Driving Karein : Driving ka sabse pehla aur zaroori rule yeh hai ki jab bhi aap car driving karein hamesha relax mind mein rahen kyunki agar aap tension mein driving karenge to is se nuksaan ho sakta hai.

Traffic Lights Ka Dhyaan Rakhein : Traffic rules hmesha Dusra rule hai ki jab bhi aap car driving karein to traffic lights ka hmesha dhyaan rakhein. Kyunki yeh lights apko poori suraksha deti hain aur durghatna se bachaati hain.

Safe Aur Slow Driving : Driving hmesha safely aur slow karein kabhi bhi driving karte samay jaldbaazi naa karein. Hmesha sanyam se gaadi chalayen.

Mobile Ka Upyog Naa Karein : Car driving ke samay ek baat ka hmesha dhyaan rakhein ki hmesha apne mobile phone ko off rakhein ya silent per rakhein kabhi bhi driving karte samay phone calls na sune agar zaroori call ho to gaadi ko ek taraf side mein park karke phone sune.

Over Take Naa Karein : Samay bachaane ke liye ya fir dusri gaadiyon se race lagan eke chakkar mein kabhi bhi overtaking naa karein ye bahut hi ghatak sidh ho sakta hai. Iska vishesh dhyaan rakhein. Jab bhi koi bada vaahan apke age jaa raha ho. To jab tak wo apko side dene ka ishaara naa kare aap kabhi bhi overtake naa karein.

Rush Mein Speed Limit Ka Dhyaan Rakhein : Jab bhi aap kisi aisi jagah par car drivingkar rahe hon jahan per bahut rush ho to hmesha apni car ki speed limit ka dhyaan rakhein. Tez gati se car naa chalayen.

Indicators Ka Dhyaan Se Use Karein : Indicators ka hmesha car chalate samay dhyaan se istemaal karein kyunki agar aap galat indicator ka use karenge to durghatna ka shikaar ho sakte hain. Agar left jaana ho to left right jaana ho to right indicator ka button hi dabaayen. Indicators apki suraksha ke liye banaaye gaye hain.

Horn Ka Istemaal : Car chalate samay horn ka upyog karein. Rush waali jagahon per horn ka use zaroor karein taaki kisi ko haani naa pahunche. Baar baar horn na bajaayen jahan zaroori ho vahin horn bajaayen.

Car Mirror Ka Upyog Karein : Car ke dono aur left aur right side per jo mirror lage hote hain unka istemaal zaroor karein. Yeh mirror apki suraksha ke liye hi hote hain.

Gear Ka Upyog Dhyaan Se Karein : Gear ki apko poori jaankari honi chahiye. Car gear ka istemaal dhyaan se karein baar baar lagataar gear ka istemaal na karein. Baar baar gear na badlen jitna zaroori ho utna hi gear ka use karein.

Drink Karke Driving Na Karein : Car chalate samay drink karna durghatna ko daawat dena hai. Kabhi bhi driving karni hoto drink na piyen kyunki drink kar ke car driving karna yaani apni jaan khatre mein daalna hai.

Samay Per Car Service Karwana : Car lena to asaan hota hai but iska dhyaan rakhna bahut hi awashyak hai. Apne car ki service samay samay per zaroor karwayen. Kyunki aap jitna car ka dhyaan rakhenge utna hi apji car ki umer badh jayegi. Service karane mein zyaada gap naa dein. Samay per service karayein.

Blind Spots Per Dhyaan Dein : Jab bhi aap kisi pahari ilaake mein car driving karein to vishesh taur per dhyaan rakhen mirrors horn indicators ka upyog karein is tarah se aap surakshit reh sakte hain.

Car Ko Maintain Rakhein : Iska arth hai ki car le lene se apki zimedaari khatam nahi ho jaati balki apko car ko maintain rakhna bhi aana chahiye. Car ki samay se service karvaana, agar koi part kharab ho raha ho to usko badalwana ya thik karwana bahut hi zaroori hai. Tabhi apki car saalon saal apka saath degi agar apka uska poora dhyaan rakhenge.

Is prakar hamne jo apko car driving ke tips diye hai inka istemal karke aap apne drive ko aur apne jeewan ko surakshit bana sakte hai. Hamare dwara bataye gaye tarike ko dhyan mein rakhenge tabhi aap in driving ka labh aur anand utha sakte hai.

LEAVE A REPLY

Please enter your comment!
Please enter your name here