Cooking Tips in Hindi – Swadist Khana Banane Ke Tarike

0
95

Cooking Tips in Hindi – Cooking karna yani ki khaana banana ek kala se kam nahi hai. Kisi bhi istri mein chahe kitne bhi aur gun ho lekin agar use acha khana banana nahi aata to uske baki sabhi gun nirathak hojaate hain. Hum aaj apne pathkon ke liye cooking karne ke bahut hi badhiya tips layen hain. Hamein asha hai ki paathko ko hmare dwara diye gaye tips zaroor ache lgange. Aur woh is se bharpoor laabh utha sakenge.

Cooking Tips in Hindi Me, Cooking Karne Ke Kuch Smanya Niyam:

1) Sabse pehle to aapko yeh jan na zaroori hai ki kitchen mein cooking ko jaldi aur aasan banana ke liye kon kon si chize hona zaroori hai taki samay ki bachat ho sake.

2) Aajkal market mein kitchen ke samaan ki itni chize aa gayi hain ki aapko apne hathon ka paryog kam karna padta hai har chiz ke liye machines a gyi hai.

3) Kitchen mein mixer, grinder, juicer, peeler, nimboo squeezer, bread toaster, hand blender, electric cooker, electric tandoor in sabhi chizo se kaam karna inta asaan ho gaya hai jiske liye pehle aurten ghanto laga deti thi hathon se karne mein.

4) Cooking karte samay apne paas sara samaan pehle hi tyaar rakhein taki apko ek ek chiz ke liye idhar udhar na jana pade. Is se cooking karna asaan hoga aur apka samay bhi kam lgega.

5) Samay ko dhyaan mein rakh kar hi khana banaye agar aap working hain to wo vegetables banaye jo asaan hai aur jinhe banana mein zyaada samay bhi nahi lagta.

6) Jab koi bhi daal banana ho to use banana ke 2 ghante pehle pani mein bhigo dein is se uska swaad bhi badhega aur apke time ki bhi bachat hogi.

7) Jab bhi rice banaye to isme 1 chamach niboo ka ras ya fir cooking oil daal dein is se rice khile khile banenge.

8) Agar aap raat ko chane ya rajma bhigone bhul jaayen to ubalte pani mein inhe bhigoye aur 1 ghante baad bana sakte hain.

9) Chawal ke dibbe mein yadi aap neem ke patte daal denge is se chawal ko kira nahi lgega.

10) Agar aap mulayam chapatti banana chahte hain to jab aate ko gundhe to usme thoda sa garam pani aur garam dudh mila dein is se chapatti bahut soft banegi. Kam se kam 15 minute pehle aata gundh kar rakhein.

11) Jab bhi aaloo ubalein isme thoda sa namak dal dein is se aloo ka chilka jaldi seutar jayega.

12) Noodles ya pasta ubalne ke baad ek dum dhande paani mein daal dein is se ye chipkenge nahi aur dana alag alag rhega.

13) Sardiyon mein dahi ko jamane ke liye aap dahi ke bartan ko ya to microwave mein rakhen ya fridge ke staplizer per ya fir hot case mein.

14) Agar aap cooking mein apne samay bachana chahte hain to bahut sari adrak aur lehsun ko kat kar iska paste bana lein aur fridge mein rakh dein aise hi aap hari mirch ka bhi paste bana kar rakh lein is se aap ka bahut sa waqt jo ki inhe katne mein lagta hai bach jayega.

15) Aap tomato puri bhi bana kar rakh sakte hain jis se apka kafi samay bach jaega tamater ko katne ka.

16) Pyaaz ko katne se pehle 10 minute tak paani mein inhe rakhein is se ankhon mein pyaz katne se pani nahi ayega.

17) Agar aapko lehsun ke chilke ko asaani se nikalna hai to aap ek kam kerein ya to lehsun ki kaliyon ko alag alag karke 15 minute tak pani mein rakhein. Ya fir ek band jar mein lehsun ki kaliyon ko dalkar zor zor se shake karein is se lehsun ka chilka utar jayega ya dhila pad jaega au rise chilna asaan ho jayega.

Acchi Sehat Ke Liye Khana Banane Ke Tips:

1) Jab bhi aap sabji katen to ise kante se pehle dhoyen na ki katne ke baad kyunki katne ke baad dhone se sabjiyon ki poshtikta nasht ho jaati hai.

2) Jab bhi aap sabjiyon ko ubalte hain to us paani ko fenke nahi balki uska soup bana kar pee sakte hain. Kyunki is paani mein bahut se nutrients hote hain.

3) Jab bhi aapkoi bhi recipe banayen usme adhik matra mein lehsun aur heeng daalen is se apko gastric problem nahi rhegi.

4) Aaloo ke nutrients uske chilke mein hote hain aisehi apple ke nutrients bhi uske chilke mein hote hain. Jab bhi aaloo banye to iske chilke ke samet banaye aur apple bhi chilke kesaath hi khayen.

5) Jab bhi besan ki koi bhi dish banayen jese dhokla, pakore ya fir chilas to usme thoda sa baking soda daalen is se besan ghol bhi acha banega aur se digest karne mein bhi asaan ho jayega.

6) Jitna bhi ho sake ghar ka fresh khana khayen aur ghar ke snacks hi khayen kyunki inse apki health control mein rahegi.

7) Jab bhi koi recipe banayen to usme fats ki matra ko kam Karen jese oil kam dalen.Is se apki health achi rahegi.

Cooking Ke Liye Saman Kharidte Waqt Savdhaniyan:

1) Cooking ka samaan khridne keliye sab se pehle iski list banaye ki kon sa saman apko lena hai.

2) Sabjiyan kharidte samay hmesha fresh sabji hi khariden.

3) Jab bhi ki cooking product lein to uski expiry date zaroor padhen.

4) Frozen chize bhi aaple sakte hai jese frozen matar , corn iska apko ye laabh hoga ki jab ye apko bazaar mein nahi available honge to aap inka use kar sakte hain sabji mein noodles mein.

5) Jab bhi bengan kharide to hmesha light weight ho kyunki inme beej nahi hote.

6) Koshish karein ki hari sabjiya zyaada se zyaada kharide kyunki inme bahut se nutrient hote hain jo apki achi health keliye bahut hi awashayak hain.

Is parkaar humne jo apko cooking ke tips bataye hain agar aap inko apnayenge to zaroor iska laabh utha payenge is se naa kewal aapka samay bachega balki aapki cooking mein bhi ye aapki bahut helpful honge.

LEAVE A REPLY

Please enter your comment!
Please enter your name here