Dry Skin Care Tips in Hindi – Janiye Rukhi Twacha Ke Liye Kuch Gharelu Upay

0
176

Dry Skin Care Tips in Hindi – Skin kayi tarah ki hoti hai. Kuch logo ki skin dry hoti hai kuch ki oily aur kuch logon ki normal. Jis tarah ki skin hoti hai usi parkaar se hamein iski dekhbhaal karni hoti hai tabhi hamari skin healthy aur young bani reh sakti hai aaj un logon ke liye kuch khaas tips laayen hain jinki skin dry hoti hai kyunki unko kai parkaar ki problem ho jaati hai dry skin ke kaaran. Kai tarah ki skin se sambandhit rog ho jaate hain. Khaaskar sardiyon mein dry skin mein bahut si problems aajati hain. Dry skin ke liye wese to kayi tarah ke market mein products aur creams, lotion aate hain per we sab mehnge hote hain aur unme chemicals bhi hote hain iske liye ghrelu upaay hi behtar rehte hain. Is liye aap agar khud hi apne ghar per bethe bethe hi kuch nuskhon ko apnayenge to in sab problems se chutkara paa sakte hain. Hum kuch aise hi tips jo ki behad hi asaan hai aur ghar mein kitchen mein use hone wali chizon se mil jaayenge.

How to Get Rid of Dry Skin in Hindi Home Remedies, Rukhi Twacha Ke Liye Gharelu Upay:

Ache Moisturizer Ka Upyog : Agar aapki skin bahut hi dry hai to hmesha yaad rakhein ki aap apne saath hmesha ek acha moisturizer rakhein. Moisturizer se aapki skin ki dryness door hoti hai aur aapka chehra bhi glow karta hai khaaskar winter mein moisturizer ka upyog zaroor karein.

Dry Makeup Ko Avoid Karein : Agar aap makeup karne ke shaukeen hain ya bahar jaate samay makeup karte hain to hmesha yaad rakhein ki aap dry makeup ka istemaal na karein. Kyunki is se aapke chehre ki dryness aur badh jaayegi.

Cleansing Oil : Dry skin ke liye sabse achha upaay hai tail ka upyog . Tail mein cleansing visheshtaayen hoti hain jo ki dry skin ke liye bahut hi laabhdaayak siddh hoti hai. Dry skin per arandi ka tail sardiyon mein bahut hi laabhprad hota hai. Tin bhaag jaitun ka tail aur ek bhaag arandi ke tail ko mix karke agar aap apni dry skin per lagaayen. Tail agar garam ho to aur bhiachha hoga. Lagaane ke baad ek towel ya kapde ko garam kar lein ise chehre per rakhen jab tak tail sukh na jaaye.Is se apki twacha naram aur mulayam ban jati hai.

Shehad Ka Pack : Dry skin ke liye shehad se achha upaay aur koi nahihai. Shehad se twacha ki chhurian bhi door hoti hain. Is se twacha reshmi aur mulaayam ban jaati hai. Twacha per shehad aur santre k eras ka mishran lagakar 10 minute tak aise hi rehne dein uske baad aap apne chehre ko ache se paani se dho lein. Yeh ek bahut hi simple aur upyogi upaay hai dry skin waalon ke liye.

Besan Ka Pack : Besan ke upyog ke bare mein to aap ne hmesha bachpan se suna hi hoga besan ek behad hi zabardast face pack hai aur har ghar mein besan hota hi hota hai. Besan dry skin ko hydrate karta hai iske saath hi yeh wrinkles ko bhi kam karta hai. Besan mein haldi shehad aur doodh mila kar iska paste bana lein.Isme kuch nimboo ki boondein bhi mila lein is pack ko aap apne face per laga kar sukhne tak wait karein aur fir garam paani se apne chehre ko dho lein is se aapke chehre per ek raunak aa jayegi aur apki skin ki dryness bhi door ho jaayegi.

Mango Mask : Is pack ko banana ke liye aap ek paka hua aam lein uska gooda nikal lein aur ise mixi mein grind kr lein. Fir is goode mein shehad aur jaitun ka tail mila lein aur is pack ko apne chehre per lagaayen. Ab is pack ko kam se kam 30 minute tak apne chehre per laga rehne dein aur iske baad apne chehre ko ache se paani se dho lein is se twacha mein name aur chamak aa jaegi.

Kele Ka Mask : Kele ka mask bhi dry skin ke liye bahut hi asardaar upyog hai. Yeh ek asaan aur bahut hi asaani se uplabadh hone wala pack hai iske liye do kele lein inhe chheel karke mixi mein iska gooda bana lein aur is pack ko apne chehre per ache se lagaayen aur ek ghante ke baad is pack ko dho lein aapka chehra chamak jaayega aur dryness door ho jaayegi.

Dahi Ka Pack : Dahi bhi dry skin ke liye bahut hi laabhdaayak hoti hai. Yeh bhi har ghar mein asaani se mil jaati hai. Is pack ko banana ke liye do bade chamch dahi ke lein aur isme thoda sa shehad mila lein fir is pack ko chehre per ache se lagayen aur sukhne ke baad is pack ko dho lein.

Chini Aur Jaitun Ka Tail : Chini aur jaitun ke tail ka mishran bhi apki twacha ki dryness ko ache se door karta hai is mishran ko halke haathon se apne chhre per rub kijiye aur fir apne face ko paani se dho lijiye.

Milk Powder,shehad Aur Aloevera Ka Pack : Dry skin ko moist karne ke liye aap is pack ko apnaaye thoda sa shehad lein isme aloevera gel milaayen aur doodh ka powder iska ek paste bana lein au rise achi tarah se apne chehre per lagaayen aur kam se kam15 minute tak laga rehne dein aur uske baad apne chehre ko saaf paani se dho lijiye yeh ek bahut hi asaan aur asardaar upaay hai dry skin ke liye.

Diet Dry Skin Ke Liye : Aap sirf baahar se hi nahi balki apni twacha ko andar se bhi name pardaan karne ke liye in chizon ko jo hum bata rahein hai apni diet mein zaroor lein jese ki palak, kheera,akhrot ka upyog jaitun ka tail , gajar ka upyog yeh sabhi khaane wali chizen andar se apki twacha ko name pardaan karti hain aur ise sunder aur healthy banati hai.

Aaj humne aapko dry skin ki kese dekhbhaal karein iske asaan tips bataye hai inko apne ghar per zaroor try karein aur iska laabh uthaayen.

LEAVE A REPLY

Please enter your comment!
Please enter your name here