10+ Exam Preparation Tips in Hindi – Janiye Exam Ki Tayari Kaise Kare

0
57

Exam Preparation Tips in Hindi – Aaj hum apko exam prepration tips btayenge ki aap exams ke dino mein kya kya tyariyan karein jis se aap exmas mein acha result pa sakenge. Exams days mein kin kin baton ka dhyaan rakhna hai iska humne varnana kiya hai.

Exam Preparation Tips in Hindi Me, Exam Ki Tayari Karne Ke Aasan Tarike:

1) Study Ke Liye Acha Samay Nikale : Exam ke dino mein sabse jruri baat yeh hai ki ap study ke liye din mein acha samay nikale jis se aap apne exam ki ache se tyaari kar sakein.

2) Time Table Bana Lein : Jese hi aapke exam nazdeek ane wale ho aap apne new timetable bana lein exams date ke according. Jis subject mein aap weak hain uskeliye adhik samay nikale aur jis subject ki tyari apne ache se kar liya hai,  uske liye thoda kam samay nikal sakte hain.

3) Dimag Se Dar Ko Nikal Dein : Apne dimag aur dil se exam ke dar ko nikal dein aap sirf apni study par dhyaan dein lagan se study karein agar koi preshani aye to friends se ya apne family members se puche.

4) Padhne Ke Sahi Environment Chune : Exam nazdeek ane par padne ke liye ekant jagah ka chunav karein. Jahanpar apko koi disturb naa kare. To aap ache se apni exam ki tyari kar payenge.

5) Padhai Ke Bich Mein Thoda Break Bhi Lein : Jab bhi aap study karte hain to 30 ya 40 minute ke baad thoda break lein taki apka mind thoda sa fresh ho jaye. Is tarike se aap jyada thakenge nahi aur apka padhai mein interest bhi bana rahega.

6) Main Points Ko Highlight Karein : Jab bhi exam ki tyari karein to yaad karte samay jo bhi apko main points lage unko highlighter se mark karein. Is se apko revised karne mein asaani rahegi.

7) Datesheet Ke According Padhen : Date sheet ke according apni study ka schedule banayen jin vishyon ka exam baad mein hai unhe pehle padh lein aur jinka pehle hai un vishyon ko exam aane se pehle padhe is se apki sabhi vishyon mein achi tyaari ho jaayegi.

8) Previous Papers Ko Padhen : Agar aap ache numbers se paas hona chahte hain to ye tips zarror apnayen apni class ke previous prashan patron ko zaroor padhe aur unhe hal karein is se ek to apki practice ho jayegi aur dusre aapko yeh bhi pata chal jayega ki exam ka pattern kya hai.

9) Study Room Vyavasthit Hona Chahiye : Iska arth yeh hai ki jab apke exam nazdeek aa jayein to us se pehle aap apne study room ko ache se vyavasthit kar lein usme sabhi zaroori chizo ko ache se manage karke rakhein jaise study table sahi disha mein rakhi ho jahan pe bharpoor roshni ho. Apke bethne ki chair comfortable ho. Apke study room ke paas koi shorogul naho. Study table par alarm wali watch hone chahiye. Study room mein motivational chart hone chahiye. Apke exam ki datesheet apke samne honi chahiye taki aapko pata lagta rahe ki apko kis Vishay ki kab tyari karni chahiye.

10) Pani Ka Bharpoor Sewan : Jab aap apne ghar mein study room main padhne ke liye bethen to hmesha apne sath paani ki ek bottle aur glass le kar bethe aur beech beech mein paani peete rahein. Is se ek to aap active rahenge aur apki health ke liye bhi paani ka bharpoor sewan awashayak hai.

11) Balance Diet Lein : Padhne wale bachon ko apni diet ka hmesha dhyaan rakhna chahiye kyunki agar apki health achi hogi tabhi aap ache se padh sakenge. Exam ke dino mein to khaaskar parents ko apne bachon ki diet ka vishesh dhyaan rakhna chahiye. Vidyarthiyon ko raat ko jaldi khana khaana chahiye aur poshak tatvo ka bharpoor sewan karna chahiye.

12) Mobile, Videogames in Par Control Karein : Exam ke dino mein apne mobile ke use, videogames ka use inko kam kar dein ya ho sake to band hi karein. Kyunki inse apke padhai ke raaste mein rukaawat dalte hain. Jab bhi padne bedhen mobile ko switchoff kar dein aur chatting se bhi door rahein.

13) Beete Hue Exam Ke Baare Mein Mat Sochen : Jab bhi aap exam de kar wapis aayen to jo exam aap de kar aaye hain uske bare mein jyaada mat sochen kyunki agar aap jyaada sochenge to apne aane wale exam pardhyaan nahi depayenge. lagan, mehnat se apne agle exam ki tyaari mein jut jaayen.

Examination Mein Jane Se Pehle Ki Tyari

Sahi Samay Par Pahunchna : Hmesha jab bhi aapkoi bhi exam dene jaayen to time se kam se kam 15 minute pehle zaroor examination place mein pahunch jaayen. Is se apko thoda relax bhi milega aur confidence bhi.

Zaroori Chizo Ko Check Kar Lein : Examination hall mei jaane se pehle check kar lein ki aapke paas exam dene ke samay use hone wala sara saman hai jese ki pen, pencil, eraser, sharpner, scale, geomatery box. Taki apko exam dete hue koi preshani na ho.

Self Confidence Rakhen : Examination hall mein jaate samay mein kabhi bhi apne self confidence ko kam na hone na dein. Hmesha khush aur tanav mukat rahein. Hmesha positive soch rakhein. Pariksha ki dar na banayen.

Asaan Prshno Ko Pehle Hal Karein : Exam dete hue ek baat ka khaaskar dhyaan rakhein ki jab question paper apke samne aaye to pehle un questions ko mark karein jo aapko bahut achi tarah se aate hain. Taki weh prashan jaldi se aap karle.Aur baad mein jo prashan mushkil hain unke uttar sochne ka apko samay mil sake.

Exam Ko Thoda Pehle Finish Kar Lein : Exam dete hue ek baat ka vishesh dhyann dein ki exam time khatam hone ke 10 minute pehle hi apka exam katam ho jaana chahiye taki last ke 10 minute aap apne dwara kiye gaye prashne ko ek baar dekh lein ki koi bhi prashan reh na jaye. Kyunki agar aap last minute tak paper karte rahenge to apko apne paper revise karne ka mauka nahi milega.

Is prakaar hamne koshish ki hai ki vidyarthiyon ko exam ki tyaari karne ke liye kuch tips dein jo unki ache marks lane mein sahayta kare. Humen asha hai ki agar aap hmare diye hue tips ko apnayenge to zaroor safal honge.

LEAVE A REPLY

Please enter your comment!
Please enter your name here