Hair Regrowth Tips in Hindi – Janiye Balo Ki Growth Ke Liye Gharelu Upay

0
112

Hair Regrowth Tips in Hindi – Aj ham aise cheezo ke bare mein batayenge jo hamare balo ki regrowth karne me sahayta karenge. Baalon ka girna ek aam samasya hai. Baalon ke girne ke kayi karan hote hain. Jese age factor, genetic karan, food habits, life style yeh sabhi baaten aapke baalon ke girne ke kaaran ho sakte hain aur is samasya ko door karne ke kayi upaay hain aapko market mein kayi tarah ke products mil jaayenge jo aapki is samasya ko door kar sakte hain. Kayi parkaar ki hair fall stop treatments bhi hoti hain lekin ye sabhi tarah ke ilaaj costly hote hain. Iske ilawa kayi aise ayurvedic aur ghrelu nuskhe bhi hain jinko istemaal karke aap apne baalon ka girna band kar sakte hain. Aur dobara se apne baalon ko badha sakte hain.

Hair Fall Yani Ki Bal Girne Ke Karan:

  1. Baalon ko zyaada samay tak dry rakhna aur oiling na karna
  2. Tension and stress
  3. Hereditary
  4. Zyaada medicine ka sewan karne se
  5. Age factor
  6. Galat lifestyle

In sab kaarno se aapke baal jharne lagte hain isliye sabse pehle in sabhi samasyao ko apne se door rakhein. Ab hum apko kuch aise ghrelu ayurvedic tips bataayenge jinko aap apne ghar mein asaani se use kar sakte hain aur apne baalon ki khoi hui growth ko dobaara paa sakte hain aur apne balo ko lamba kar sakte hai.

Hair Ki Regrowth Ke Liye Tips Gharelu Nuskhe:

1) Bhringraj Tail Ka Upyog : Sabse pehla aur bahut hi asardaar tareeka baalon ki regrowth ke liye hai bhringraj ka upyog. Iske liye ya to ek muthi bhringraj ke patte lein ya fir bhringraj ka powder ya fir bhringraj ka tail lein jo asaani se bazaar mein aapko mil jaayega. Bhringraj ke pattoka paste bana lein pani milakar ya fir agar iske patte na mile to aap iska powder bhi le sakte hain aur iskapani milakr paste bana lein fir is paste ko apne scalp par ache se lagaayen aur 20 minute tak ise laga rehne dein. Fir shampoo ke saath apne baalon ko dho dein. Ise kam se kam hafte mein teen baar paryog Karen. Ya fir aap bhringraj ka tail lekar is se bhi apne baalon aur scalp ki massage kar sakte hain.

2) Amla Ka Upyog : Baalon ki regrowth ke liye aap amle ka upyog bhi kar sakte hai yeh baalon ke liye sanjeevani booti ke samaan hai. Amle ka upyog kayi tarah se kar sakte hain aap amle ka powder bhi use kar sakte hain aap amle kha bhi sakte hain aur amle ke tail ka bhi upyog kar sakte hain. Amla blood ko bhi purify karta hai aur indigestion bhi thik karta hai. Agar aap amle ka paryog shikakai ke saath karte hai to yeh aapke baalon ko natural colour bhi deta hai. Aap amle ke powder ko paani mein milakar thik paste bana lein aur fir is paste ko apne baalon ki jadon mein ache se lagaayen aur 30minute ke baad ise shampoo ke saath dho daalen. Amle ke juice ka bhi aap upyog kar sakte hain.

3) Neem Ke Patte : Neem ke patte bhi aapki baalow ki regrowth ke liye bahut hi laabhdaayak aushadhi hai. Neem blood circulation ko badhaata hai aur blood bhi ourify karta hai. Neem ke patte dandruff keliye bhi abhut hi acha ilaaj hai. Neem ke patton ko paani mein daal kar ache se boil Karen 15minute tak fir dhanda hone ke baad uspaani mein se patton ko nikal dein aur us paani se apne baalon ko sabse akhir mein dhoyen shampoo aur conditioner karne ke baad. Yeh hafte mein 3 baarkaren. Ya fir aap neem ke patton ka pani mein paste bana kar 30 minute tak baalon mein lagaaye rakhen aur fir shampoo se apne baalon ko dho lein.

4) Maithi Dana : Maithi daana yani ki fenugreek jiska sabhi log aam taur par apne kitchen mein sabji banane mein hmesha istemaal karte hain yeh aapke baalon ko girne se bachane ke liye aur baalon ki regrowth mein bahut hi sahayak hai. Baalon par ise lgane ke liye sabse pehle kuch maithi dane lein aur inhe raat ko paani mein bhigon kar rakh dein aur subeh is pani ko maithi daane sahit mixi mein pees kar iska paste bana lein aur is paste ko apne balon aur balon ki jadion par ache se laga lein aur apne baalon ko shower se dhak lein taki apkebaal dry nah on. 30 minute se I ghante tak apne balon par laga rehne dein. Uske baad apne baalon ko ache se paani se dho lein. Maithi daane mein protein hote hai aur nicotinic acid hota hai.

5) Potato Juice : Potato mein bahut matra mein vitamin c ,phosphorus aur copper hota hai jo baalon keliye bahut laabhdaayak hai. Aloo jiski sabji har ghar mein banti hai kya aapko pata hai aloo ka juice aapke baalon ko girne se rokne ke liye aur balon ki regrowth ke liye bahut hi laabhdayak hai. Thode se aloo lekar unko mash kar lein aur iska juice directly apne balon par lagaaye aur kam se kam 30 minute tak apne balon per laga rehnedein lekin ise sukhne na dein aur bahut saare fresh water se apne balon ko ache se rinse kar lein.

Use bhi padhiyebalo ki care tips in hindi aur safed balo ko kala karne ke upay.

6) Onion Juice Hair Pack : Baalon ko girne se rokne ke liye aur baalon ki regrowth ke liye bahut hi asardaar ayurvedic tareeka hai. Onion mein bharpoor maatra mein jo sulphur hota hai yeh baalon ke blood circulation ko improve karta hai aur baalon ko girne se rokne mein laabhdaayak hota hai. Onion juice mein anti bacterial properties bhi hotihain. Iska juice banane ke liyekuch onions ko kaat lein aur mixi mein mash kar lein fir iske juice ko apne baalon ki jadon mein ache se lagaayen. 30 minute tak is juice ko apne baalon mein laga rehne dein. Fir apne baalon ko mild conditioner se dho daalein.

7) Aloevera Pack : Aloevera gel bhi baalon ki kayi samasyaon ko door karne mein bahut hi sahayak hai. Is se scalp ki itching, jalan door hoti hai. Aloevera gel apke baalon ki regrowth mein bahut sahayak hai. Yeh apke scalp ke Ph level ko balance mein rakhta hai jis se baalon ki growth hoti hai. Iskapack banane ke liye kuch aloevera ke patte lein unka pulp nikale aur ise apne baalon ke roots mein lagaayen. 45 minute tak ise laga rehne dein aur normal paani se ache se dho lein.

Is tarah aap apne baalon ki dekhbhaal apne ghar par hi use hone wali chizon se kar sakte hai aurapne balon ki samasyaon ko door kar sakte hain.

LEAVE A REPLY

Please enter your comment!
Please enter your name here