Healthy Heart Tips in Hindi – Hriday Ko Swasth Rakhne Ke Liye In Baton Ka Rakhe Dhyaan

0
164

Healthy Heart Tips in Hindi – Aaj hum heart dieases hone ke karan aur apne heart ko kese aap healthy rakh sakte hain iske bare mein aapko jaankari denge. Heart ki bimari aajkal aam ho gayi hai. Aur isme umar ka bhi koi sambandh nahi aap kal ki bhaagdaud ki duniya mein kisi bhi umar ke vyakti ko yeh bimari ho sakti hai. Is se bachne ke liye yeh bahut hi zaroori hai ki aap apne heart ko safe rakhein aur healthy rakhein. Ab heart ko kese healthy rakha ja sakta hai iske kuch mehatavpooran tips hum apko de rahe hain.

Heart Ki Bimari Hone Ke Kuch Karan:

  • Unhealthy diet lena
  • Exercise na karna
  • Junk food ka sewan karna
  • Stress and tension
  • Work load zayaada hona
  • Overweight hona
  • Blood pressure ka adhik hona
  • Tambaakoo peena
  • Namak zyaada khaana

Janiye kuch anaya natural health tips in hindi.

Healthy Heart Tips in Hindi, Heart Ko Healthy Rakhne Ke Tips:

1) Weight maintain rakhna : Healthy heart ke liye sabse pehla aur zaroori tip hai ki apne weight ko hmesha balance mein rakhein kabhi bhi over weight na ho kyunki overweight se apke heart per stress padhta hai aur heart disease hone ki sambhavna badh jaati hai. Exercise aur yoga ke dwara aap apne weight ko maintain rakh sakte hain.

2) Blood pressure control karna : Heart disease hone ka ek aur kaaran hai jin logon ka uch raktchaap rehta hai unko heart disease hone ke chances zyaada hote hai to agar agar aap apne heart ko swasth rakhna chaahte hain to apne blood pressure ko niyantrit rakhein.

3) Daily yoga aur exercise karein : Agar aap apne heart ko healthy rakhna chaahte hain to har roz yoga aur exercise karein is se aapka raktchaap bhi niyantrit rahega aur aapka heart bhi healthy rhega. Padhiye yoga karne ke aasan tarike.

4) Balance aur healthy diet : Heart ko healthy rakhne ke liye yeh bahut hi zaroori hai ki aap job hi khaayen wo healthy ho. Apne khaane mein fat ki matra ko kam karein aur vitamins proteins fibre inse bharpoor bhojan karein. Beans,soup,salad inka sewan adhik karein ye aapke heart ko healthy rakhenge. Padhiye healthy rehne ke liye kuch anaya diet plan in hindi.

5) Lehsun : Khanne mein lehsun ka paryog zaroor karein yeh aapke heart ko healthy rakhne mein bahut sahayak hai. Lehsun khaane se blood pressure bhi niyantrit rehta hai. Yeh cholesterol ko bhi kam karne mein bahut sahayta karta hai.

6) Breakfast mein juice lein : Heart ko swasth rakhne ke liye yeh bahut zaroori hai ki aap juice zaroor peeyen. Subeh ke breakfast mein juice ka upyog zaroor karein. Is baat ka dhyaan rakhein ki aap jo bhi juice peeyen weh sugarfree hone chaahiye.

7) Paryaapt neend lein : Healthy heart ke liye yeh bahut zaroori hai ki aap har roz paryaapt maatra mein neend lein.yani kam se kam 7 ghante ki neend zaroor lein is se aapka mind bhi relax hota hai. Aapka stress kam hota hai. Khaast aur per 40ki umar ke upper walr logon ke liye achhi neend lena bahut zaroori hai.

8) Olive oil ka paryog karein : Khaane mein dusre oil ke sthaan per olive oilka paryog karein yeh heart ke liye bahut hi upyogi hai. Olive oil mein antioxidant hote hain jo kianay bimaariyon se ladne ki shamta ko badhaata hai.

9) Green tea peeyen : Heart ko healthy rakhne ke liye green tea ka sewan karein kyunki isme antioxidant hote hain. Yeh cholesterol ki maatra ko kam karti hai. Green tea blood pressure ko controlkarne mein bhi madad karti hai. Isme kuch aise tatv bhi hote hain jo ki cancer ke cellsko marte hain. Yeh blood strokekobhi rokti hai.

10) Drinking aur smoking se door rahein : Agar aap drinking ya smoking karte hain to isko band kar dein kyunki drinkingaur smoking aapke heart ki health keliye bahut hi khatarnaak hai, Is se asamay heart attack ho sakta hai. Tambaakoo ka upyog bhi bilkul band kar dein.

11) Stress se door rahein : Heart diseases hone ka sabse badaa kaaran hota hai tension ya stress lena. Agar aapko kisi bhi parkaar ki tension ya stress hai to use jaldi door karne ka upaay karein kyunki iska seedha asar aapke heart per padhta hai. Padhiye kuch stress free hone ke liye kuch mind development tips in hindi.

12) Hari sabjiyaan aur taaze fal khaayen : Heart ko healthy rakhne ke liye aap jitni bhi ho sake hari sabjeeyao ka sewan karein aur taaze falon ka upyog Karen. Oily chizon ko avoid Karen. Kyunki ye heart ke liye ghatak hote hain.

Is parkaar agar aap in tips ko apnaayenge to aap apne heart ko swasth rakh sakenge. Aur aapki health bhi achi rahegi.

LEAVE A REPLY

Please enter your comment!
Please enter your name here