Home Remedies Asthma in Hindi – Dama Yani Saans Ki Bimari Se Chutkare Ka Desi Ilaj

0
116

Home Remedies Asthma in Hindi – Asthma ki bimari sans se related hoti hai. Iske ilaj ke liye bazaar main bahut si dawaiyan mil jati hai lekin kya aap jante hain ki aap apne ghrelu nuskhon ke dwara bhi is rog ka ilaj apne ghar per kar sakte hain. Asthma ek tarah se allergic rog hai iske kayi karan ho sakte hai yeh allergic aur non allergic dono ho sakta hai. Kayi logon ko dust ki vjah se asthma ho jata hai kuch ko environmental change ki vjah se. Is liye sabse pehle yeh jan na zaroori hai ki asthma ka rog kyun hai kya karan hai iske piche uske baad hi is rog ka ilaj hota hai. Niche kuch aise ghrelu nuskhe diye gaye hai jinkoapna kar aap apne asthma ke rog ko niyantrit kar sakte hain apne kitchen main use hone wali daily use ki chizon ke saath jo sasti bhi hoti hai aur bahut asardar bhi.

Home Remedies Asthma in Hindi, Asthma Ke Upchar Ke Liye Gharelu Nuskhe:

1) Asthma ko niyantrit karne ke liye lehsun bahut hi asardar hota hai is ke liye aap 30ml doodh lein usme lehsun ki 2-3 kaliyan ubal lein aur iska daily sewan Karen is se bahut hi jald asthma ka rog niyantrit ho jata hai.

2) Pani main ajwain mila kar ise ache se ubale ab is pani ki bhaap ko ache lein yeh ghrelu nuskha dama ke rogi ke liye bahut hi asardar hai.

3) Dama ke liye maithidana bahut hi gunkari hai iske liye aap ek chamch maithi dana lein au rise ek cup pani main ache se ubalen harroz subeh aur sham is mishran ka sewan Karen yeh asthma ke rogi ke liye ramban ilaj hai.

4) 4-5 long ke dane lein ise thode se pani main ache se kam se kam 5 inute tak ubalen fir is mishran ki chaan lein aur isme ek chamch shehad mila kar garam garam peeyen aisa kam se kam din main rozana 3 se 4 bar iske sewan Karen is se mzaroor dame ke rog main fayda hoga.

5) Amla main kayi tarah ke gun hote hain amla kayi parkar ke rogon main ek dwai ke roop main upyog kiya jata hai yeh vitamin c se bharpoor hota hai. Isme kayi antioxidant gun hote hai. Isme vitamin A ki bhi bharpoor matra hoti hai jo respiratory system ke liye bahut acha hota hai. Iske liye ek chamch amle ka powder lein aur ek chamch shehad le lein is mishran ka sewan har roz subeh Karen is se apko asthma ka attack nahi hoga.

6) Shehad bhi kayi parkar ke rogon ko thik karne main bahut hi asardar hai. Asthma ke liye aap aap 1 chamch shehad lein aur isme ½ chamch dalchini ka powder milalein ab is mishran ko har roz kam se kam ek baar zaroor khayen is se dame ke rog ko niyantrit kiya ja sakta hai. Ya aap har roz ek glass pani main ek chamch shehad milakar peeyen. Raatko sone se pehle aap ek chamch shehad ko ek glass garam pani main mila kar peeyen is se bhi dame main kafi fayda hoga.

7) Karela jitna kadwa hota hai utna hi isme kayi aushdhiy gun hote hain. Dama ke rog main karele ki jaden bahut laabhdayak hain iske liye 1 chamch karele ke root ka paste lein aur 1 chamch shehad lein har roz raat ko sone se pehle is mishran ka sewan Karen ya aap shehad nahi milana chahte to iske stahn per tulsi ke paaton ka 1 chamch ras bhi mila sakte hain. Is ghrelu nuskhe se apki dama ki problem dheere dheere khatam ho jayegi.

8) Pudina main bhi kayi aushdhiyey gun hote hain yeh bhi asthma ke rogi ke liye bahut laabhdayak hai isme anti bacterial aur anti inflammatory gun paye jate hain. Iske liye pani ko ache se ubalen is pani main ab kuch patte pudine ke aur kuch tulsi kepatte dalen jab tak patte dark brown na ho jaayen inhe ubalte rahen ab isme thodi adrak dalen isme shehad daalen aur isme thodi si kali mirch ke dane pees kar daalen ab is se steam Karen naak se jab yeh chai thodi kam garam reh jaye to ise dheere dheere peeyen taki yeh dheere se apke gale se niche utre is se apko bahut fayda hoga.

9) Fruits ka sewan bhi asthamako thik karne main madad karta hai in fruit ko kis parkar khaya jaye iskijankari hum de rahen hain apko

  • Anjeer ko raat bhar pani main soak Karen aur subeh khali pet isko ache se chabayen is pani ko bhi pee lein jisme inhe bhigoya tha .
  • Vitamin C se bharpoor fruits ka sewan karen jaise strawberry, papaya iske saath saath ap din main 2-3 baar orange juice ka sewan zaroor Karen kyunki yeh vitamin c se bharpoor hota hai.
  • Anar ka juice, adrak ka ras aur shehad mila kar equal quantity main iska sewan Karen har din main kam se kam 2-3 baar is juice ka 1 tablespoon sewan zaroor Karen yeh asthama ko niyamtrit karne main bahut hi sahayak hota hai.

Is tarah se ap apne ghar main use hone wali khane ki daily ki chizon se asthama ki roktham kar sakte hain.

LEAVE A REPLY

Please enter your comment!
Please enter your name here