House Cleaning Tips in Hindi – Janiye Ghar Ki Safai Kaise Kare

0
214

House Cleaning Tips in Hindi – Har koi ye chahta hai ki uska ghar sabse saaf aur sunder dikhe lekin aajkal ki fast life mein yeh karna thoda mushkil hai but namumkin nahi hai khaskar jo log naukri karte hain unhe bahut dikat ati hai. Kyuki unke paas samay ka abhav hota hai. Suder aur saaf suthra ghar har kisi ka sapna hota hain. Aaj hum apko kuch aise tips ki jaankari denge jo apke ghar ko saaf rakhne mein bahut madad krenge. Ghar ka matlab hai rasoi,bathroom, bedroom, drawing room, store, varanda. In sabhi ko milakar ghar banta hai. Ghar ki safai karne ke liye kya kya niyam apnane chahiye inki bhi hum charcha karenge. Safai karne ka sahi tarika kya hai iska humneniche varnan kiya hai.

Safai Ke Liye Kuch Dhyan Rakhnewali Batein:

1) Har kamre ki safai ke liye alag alag duster zaroor rakhein jese agar bathroom ki safaikarni hai to bathroom mein aap ek kapda ya duster rakhein taki jab aap bathroom mein jaayen to bina time waste kiye safai kar lein.

2) Kisi bhi kam ko pending mein na rakhen ki kal karna ya parso karna hai ya off wale din karna hai sath ke sath hi safai karte rahein thodi thodi nahi to aap apni chhuti ka anand nahi utha payenge aur chhuti wale din saare kaam karne se aap thak jayenge aur agle din fresh nahi honge.

3) Rasoi mein hamesha ek safai ka kapda hmesha rekhen taki jab bhi aap khana banaye to uske baad sath ke saath hi rasoi ko saaf kar dein.

4) Ghar ki har vastu ko ek hi jagah par rakhein aur us vastu ke sthan ko baar baar na badlen aur gharwalon ko bhi yahi kahen ki wo jo vastu jahan se uthayen istemaal karne ke baad usi jagah per rakhen.

5) Ghar mein jitney bhi family member ho sabme kam ko baante ki kisne kya karna hai.Is se ye faayda hoga ki kam ka bojh ek ke sir per nahi rhega. Jese fridge saaf karna, dusting karna, in sabhi kaamo ko baant den.

6) Kamre mein jute laana band karein agar aapaisa kar sakte hain to is seyeh hoga ki apka fresh bhi saaf rhega aur carpet bhi. Kamre ke bahar shoe rack rakhen taki bahar ana wala bhi usi mein shoes rakhen isse dhool mitti ander ayegi aur apke kamre zyaada der tak saaf rahenge.

Padhye: Rasoi Ki Dekhbhal Kaise Kare

House Cleaning Tips in Hindi Me, House Clean Karne Ke Liye Kuch Asaan Tarike:

1) Shisha saaf karna : Apne bathroom ke aur dressing table ke mirror ko hmesha saaf rakhna chahiye. Iske liye apko kisi bhi tarah ke glass cleaner ko khridane ki zaroorat nahi hai Iska ek asaan sa tarika hai ki newspaper ka piece lein aurvinegar isse shishe ko saaf karein is se shishe chamakne lgenge.

2) Khane ki plate ko dho kar rakhein : Jab bhi khana khaaye to baad mein apni plate ko pani mein rinse karke sink mein rakhne ki aadat daalen iska faayda yeh hoga ki plate par jami sabji jaldi se saaf ho jaayegi aur apka samay bhi bach jaega.

3) Microwave ko saaf karne ka tarika : Jab bhi microwave ko saaf karna ho to ye bilkul simple tarika apnaayen ek bowl mein paani bhar ke microwave mein rakhen tej temperature mein is se jo bhaap uthegi us se microwave mein jami sabji ya gandagi nikal jaegi uske baad bowl nikal kar kapda marne par apka microwave saaf ho jaega.

4) Vaccum cleaner ka use : Hafte mein kam se kam ek baar vaccum cleaner ka use zaroor karein is se apko yeh faayda hoga ki dhool mitti ache se nikal jayegi. Aur apko safai karne mein samay bhi kam lgega. Bed ke niche curtain ke piche in sabhi kono mein vaccum cleaner aap use kar sakte hain.

5) Daily furniture dusting karna : Apke ghar mein tarah tarah ke kimti furniture hote hain jo aap drawing room ki sajawat ke liye rakhte hain lekin unko saaf rakhna bhi apki hi duty hai. Hmesha ek saaf suthre duster se apne drawing room ko clean karein taki weh sunder aur akarshit lage.

6) Bathroom tiles saaf rakhna : Bathroom mein lagi sunder tile tabi sunder lagti hain jab who saaf suthri hon agar tiles peeli pad jaayen to bathroom ganda lagne lagta hai to yeh sabse zaroori hai ki aap ek ache tile clener se tiles saaf karein ya fir pani mein baking soda milakar bhi tiles ki safaaiki ja sakti hai.

7) Fridge saaf rakhna : Fridge ko saaf karne ka sabse asaan tarika yeh hai ki aap fridge mein padi pehle to sab sabjiyon ko baahar nikal lein fir garam saaf pani mein dishwashing liquid milakar kapda bhigokar ise saaf karein. Fridge ki sabhi selves bhi bahar nikal lein is se fridge ka kona kona saaf ho jaega agar koi dhabba ho to baking soda se saaf karein.

8) Decoration pieces ko saaf karna : Ghar mein jitney bhi decoration piece ho unhe hmesha saaf rakhein kisi saaf kapde se unpe dhool na jamne dein kyunki ye apke ghar ki sundarta ko badhate hain.

9) Ghar ke jaale saaf karna : Ghar ki deewaron per kabhi bhi jaale nahi hone chahiye ye ghar ki sundarta ko kam karte hain jaale wale brush se inhe hmesha saaf karein. Taki apki deewaren saaf dikhen.

10) Window saaf karne ka tarika : Apne ghar ki khidkiyon ko saaf karne ke liye 2 tablespoon white vinegar mein pani milakar ek spray bottle mein dale aur is se apne ghar ki windows ko chamka sakte hain.

11) Apni zimewari khud uthana : Ghar mein agar sab working ho to sabko apne ghar ko saaf rakhne mein ek dusre ki madad karni chahiye. Parents ko apne bachon ko bhi ye aadat daalni chahiye ki wo apne room ko safai khud karein sab kuch sahi se manage karke rakhen. Apni books dhang se rakhen.

Is parkaar aaj humne aap ko jo bhi tips bataye hai ki aap kese apne ghar kosaaf suthra aur sunder rakh sakte hain agar aap in tips ko apnayenge to zaroor apko laabh hoga.

LEAVE A REPLY

Please enter your comment!
Please enter your name here