How to Remove Makeup in Hindi – Janiye Aankho Aur Chehre Se Makeup Hatane Ke Tarike

0
80

How to Remove Makeup in Hindi – Dosto aj ham apke liye makeup ko remove karne ke tarike lekar aye hai. Jaisa ki aap sab jante hi hai ki koi bhi function ya party ho to ham makeup jaroor lagate hai. Lekin kya ap jante hai ki party ya function ke baad makeup ko na hataya jaye to ye apki twacha ke liye hanikarak sidh ho sakte hai. Makeup products me maujood chemicals twacha ko nuksaan pahuchate hai. Isiliye kisi function ke baad makeup ko remove karna na bhoole. Aur ha jab bhi aap koi makeup kit kharide to ye jaroor check kare ki us kit ke saath acchi quality ka makeup remover hai ya nahi.

Agar aap makeup lagaane ke liye tips dhundte hain to aap isi parkaar makeup ko kese remove karna hai iski bhi jaankari zaroor rakhen taki aap rat ko sote samay achese apne chehre ke makeup ko ache se saaf bhi karen kyunki agar aap rat ko bhi makeup remove nahi karenge to yeh apki skin ke liye sahi nahi honge. Is se aapki skin ke rom chhidr band ho jaayenge aur aapke face par keel muhaase ho jaayenge. Agar aap bahut adhik makeup karte hain to makeup ko remove karne ke liye bhi ache makeup remover ka upyog Karen. Khaaskar apni ankhon ke makeup ko rat ko utaar kar sona bahut hi zaroori hai kyunki eyes bahut hi sanvedansheel hoti hai isliye ankhon ko raat ko ache se saaf karke soyen. Aaj hum kuch aise hi tips aapke liye e kar aayen hain ki aap kese apne makeup ko saaf Karen.

How to Remove Makeup in Hindi at Home, Makeup Utarne/Hatane Ke Kuch Aasan Tarike:

1) Ankho ka makeup utarna : Sabse pehle bahut zaroori hai ki aap apne ankhon ke makeup ko remove Karen kyunki ankhon ki skin bahut hi sanvedansheel hoti hai to sabse pehle eyeshadow, eyeliner, ko ache se utaaren iske liye ache se eye makeup ka istemaal Karen. Sirf paani se ankhon ka makeup kabhi achese nahi utarta. Cotton ball se eyeshadow, mascara, eyeliner, eyeshadow ko utaaren.

a) Ankhon ka makeup utaarne ke liye aap jaitun ke tailko cotton ball per laga kar bhi makeup utaar sakte hai. Jailun ke tail ko thoda sa agar garam karke lagaayenge to yeh zyaada asardaar hoga.

b) Waterproof eyeliner aur eye mascara utaarne ke liye aap baby oil ka upyog bhi kar sakte hain.

c) Eyemakeup ko utaarne ke liye ek best tareeka hai ki aap koi bhi achha sa baby shampoo lein aur use garam paani se cotton ball ke upper laga ke eyes ko makeup ko utaaren. Isse bahut hi ache se aap ka eye liner, eyemascara,eyeshadow utar jaayenge.Aur yeh aapki eyes ko bhi nuksaan nahi pahunchaayega.

2) Chehre ka makeup utarna : Eyes ka makeup utarne ke baad aap chehre ka makeup utaaren iske liye ache se cleanser ka upyog Karen. Aur use cotton baller laga kar ache se apne chehre par halke haathon se ghumaayen aur sara chehre ka makeup acche se utaaren, Kyunki makeup lagaate samay aap kayi tarah ke product aur base ka upyog karte hain ise utaarna bahut hi zaroori hota hai. Nahi to is se aapke chehre ke rom chider bandho jaate hai aur skinke ander durt jum jaati hai. Aur fir pimples, acne ya skin allergy jasi problems aa jaati hain.

a) Chehre ka makeup ko kabhi bhi eye makeup remover se na utaaren kyunki chehre ka makeup remover alag hota hai.

b) Chehre ko ache se clean karne ke baad moisturizer ka upyog zaroor karen taki aapka face dull na ho aur tarotaaza lage.

c) Makeup utaarne ka ek aur best aur sabse asaan tareeka hai ki aap baby wipes ka istemaal Karen makeup ko remove karne ke liye. Yeh asardaar bhi hai aur is se aapko uth kar face dhone ki bhi zaroorat nahi raat ko aap apne bed par bethe bethe apna makeup saaf kar saktehan bina kisi bhi preshani key. Aapek baby wipe lein aur us se apne eyes per rakh kar halke haathon se apni ankhon per ghumaayen aur bus aapka makeup jat se utar jaayega.

d) Kuch yuvtiyan adhik makeup ka upyog karti hain apne face per. Agar aapne adhik makeup lagaaya ho to aap facial cleanser se bhi apne face ke makeup ko ache se remove kar sakti hain.

3) Lip makeup ko hatane ka tareeka : Lips makeup yani ki lipstick ko hataana bhi zaroori hota hai. Iske sabse asaan tareeka yeh hai ki aap sabse pehleek plain kagaz lein us se apne lips ko dabaayen aur fir apne lips per baby oil ya lip balm kisi bhi ek chiz kolaga kar apne hothon ko ache se geele kapde se halke haathon se ragren is se aapki lipstick utar jaayegi aur lips bilkul saaf ho jaayenge. Aur dry bhi nahi honge.

Makeup Remove Karne Ke Gharelu Niskhe:

Humne upper to aapko wo tareeke bataaye hain makeup remove karne ke jo bazaar mein uplabhdh hain lekin iske ilawa ghar par bhi aap ghrelu chizon se makeup remove kar sakte hain

  • 2 chamach gulaab jal lein usme kuch boonden baby oil aur kuch boonden nimboo ki daalen aur is se apne chehre ke makeup ko ache se saaf karen yeh bahut hi asardaar bhi hai aur is se ache se deeply aapki skin ki dirt bhi saaf hojaayegi.
  • Taaze doodh mein thoda sa nimboo ras milakar bhi makeup ko saaf kiya ja sakta hai lekin yeh oily skin ke liye nahi hai. Oily skin ke liyeisme thodasa dahi ka paani milakar lagaayen.

Yaad rakhen ki kabhi bhi raat ko sote samay makeup laga kar na soyen kyunki makeup mein kayi tarah ke chemical ka use hota hai jis se adhik samay tak makeup laga kar rakhne se aapki twacha par bura parbhaav padhta hai to hmesha apne makeup remove karke hi soyen.

LEAVE A REPLY

Please enter your comment!
Please enter your name here