How to Improve Digestion in Hindi – Pachan Shakti Badhane Ke Aasan Tarike

0
105

Improve Digestion in Hindi – Agar apka digestive system bilkul swasth hai to iska matlab hai ki real mayne main poori tarah swasth hai lekin agar apke digestive system kharab hai ti ap swasth nahi hain. Digestive system ko swasth rakhne ke liye kayi tarah ke upay hain per is se pehle yeh jan na zaroori hai ki digestive system kharab hone ke piche kya karan ho sakte hain. Digestive system ke kharab hone ke sath sath kayi tarah ki aur bhi bimariyan lag jatihai jese gas ki problem, diarrhea, constipation, acidity. Is liye apne digestive system ko hmesha swasth rakhen aaj hum apko inhi ke kuch tips batayenge. Jis se aap apne digestive system ko swasth kar saken.

Causes of Indigestion in Hindi, Indigestion Ke Karan:

  • Samay per khana na khana
  • Overeating karna
  • Oily padarthon ka sewan adhik karna
  • Pani kam peena
  • Drink karna
  • Poori neend na lena
  • Stress hona
  • Sahi dincharyaka na hona
  • Sharirk sharam na karna

Hamne upar indigestions ke kuch karano ko bataya hai lekin aise aur bhi kayi karan hote hain jin ke karan aapko indigestion ka samna karna padta hai.

Tips to Improve Digestion in Hindi, Ghar Baithe Pachan Shakti Ko Badhane Ke Upay:

1) Khana Ache Se Chabayen : Agar aap apne digestive system ko acha aur swasth rakhna chahte hain to iske liye ek baat ka vishesh roop se dhyan rakhen ki jab bhi bhojan Karen hmesha ache se bhojan ko chaba kar khayen. Is se apka digestive system swasth rahega.

2) Junk Food Se Bachen : Digestive system ko acha karne ke liye yeh bahut awashyak hai ki aap apne khan paan ka poora dhyan rakhen khaskar junk food ka sewan karne se bachen kyunki is se apke swasth per bahut hi bura asar padhta hai. Junk food khane se apko gas ki, acidity ki problem hoti hai.

3) Khane Khane Ke Baad Turant Na Leten : Agar aap apna digestive system hmesha acha rakhna chahte hain to yeh niyam bana lein ki kabhi bhi khana khane ke turant baad na leten kam se kam khana khan eke baad thodi walk Karen aur fir 30 minute baad lete taki apka bhojan ache se digest ho jaye.

4) Raat Ka Heavy Bhojan Na Karen : Raat ko kabhi bhi heavy bhojan na Karen hmesha light aur halka bhojan Karen kyunki yeh jaldi se digest ho jayega. Heavy bhojan karne se acidity, gas jesi problems ho jati hain.

5) Daily Exercise Aur Yoga Karen : Digestive system ko acha rakhne ke liye daily yoga abhyas Karen aur exercise Karen kyunko is se apka immune system bhi badh jata hai aur sath hi sath apke digestive system bhi hmesha acha bana rehta hai.

6) Fibre Yukat Bhojan Karen : Fiber yani ki reshe se yukat bhojan apke digestive system ke liye bahut hi acha hota hai. Hmesha apni diet main fibre yukat padartho ka sewan Karen.

7) Pani Ka Khoob Sewan Karen : Din bhar main kam se kam 8 se 10 glass pani zaroor piyen. Jitna adhik pani aap peeyenge utna hi aap ka digestive system strong rahega aur body ke hanikarak padarth bahar nikal jayenge.

8) Ginger Tea : Digestive system ko thik karne ke liye ginger tea ka sewan Karen. Adrak apne anekon guno ke liye jani jati hai. Ginger tea banana ke liye thodisi adrak ko grate kar lein aur fir ek cup pani main ise ache se ubal lein aur agar aap chahe to aap zyada quantity main ginger tea bana kar apne thermos main bhi rakh sakte hain aurdin bhar thode thode sip le sakte hain.Is se aap ka digestive system kabhi bhi kharab nahi hoga aur health bhi achi rahegi.

9) Stress Ko Door Rakhen : Jitna possible ho sake stress se door rahen. Kya aap jante hain. Ki agar aap stress main hote hain tab bhi apka digestive system kharab rehta hai. Is liye koshish Karen ki jis bhi baat kaapko stress hai use jald hi door kar dein nahi to is se apko pet se related kayi rog ho jate hain.

10) Lagatar Sitting Se Bachen : Agar aap lagatar sitting karte hain to iska sidha asar apke pet aur digestive system per padhta hai kyunki sitting se apki muscles ki movement nahi hoti aur apke khana hajam nahi hota is liye yeh bahut hi zaroori hai ki aap thode thode samay ke baad thoda sa uth kar apni body ko move Karen. Khaskar khana khan eke baad.

11) Neend Poori Karen : Aap agar apni neend poori nahi karte kam se kam 8 ghante ki ti iska asar apke digestive system per padhta hai. Is liye apni neend poori Karen kyunki aap agar achi neend lete hain to apki body mind aur muscles relax hoti hai jis se aapka digestive system improve hota hai.

12) Fruits Aur Salad Ka Sewan : Digestive system ko agar aap tandrust rakhna chahte hain to aap har season ke falon ka sewan Karen aur salad bhi khayen kyunki yeh apko swasth aut tandrust rakhega. Falon mein khaskar kele ka sewan Karen yeh fal apke digestive system ko swasth rakhta hai aur yeh har season main apko mil bhi jata hai.

Hamein asha hai ki agar aap in sabhi baton ka dhyan rakhenge to apka digestive system kabhi kharab nahi hoga aur aap hmesha swasth rahenge.

LEAVE A REPLY

Please enter your comment!
Please enter your name here