Tips to Improve Memory Power in Hindi – Memory Tez Karne Ke Liye Aasan Tips

0
169

Tips to Improve Memory Power in Hindi – Kuch logon ki memory bahut hi sharp hoti hai veh har cheez ko ache se aur bahut hi jald yaad kar lete hain. Aur kuch aise bhi log hote hain jinhe jaldi kuch bhi yad nahi hota ya fir wo jo bhi yad karte hain use kuch hi der main bhul jate hain ye sab memory ki power per depend karta hai. Aap kayi aise tareeke hain jis ke dwara aap apni memory ko sharp kar sakte hain. Aaj ke tips isi samasyaka ke samadhan ke liye hain.

How to Improve Memory Power in Hindi, Dimag Yani Smaran Shakti Ya Memory Tez Karne Ke Liye Tips, Upay:

1) Daily Exercise Karen : Agar aap apni memory ko sharp karna chahte hain to daily ewxercise ki adat dalen kyunki regular exercise karne se brain main oxygen poori tarah circulate hoti hai agar aap exercise nahi karte to memory weak ho jati hai. Aap walk bhi kar sakte hain yeh bhi ek bahut hi achi exercise hai.

2) Stress Ko Door Karen : Stress se hmesha door rahen kyunki aap jitna stress lenge utna hi aapki memory weak ho jayegi. Apki job hi samasya ho jis se apko stress ho raha ho use jald hi solve kar lein. Kyunki stress ek aisi condition hoti hai jisme vayakti ki health bhi kharab hoti hai aur sath ke sath mind per bhi bura asar padhta hai memory dheere dheere weak ho jati hai.

3) Poori Neend Poori Lein : Agar aap apni memory ko sharp karna chahte hain to apni raat ki neend ko poora lein yani ki kam se kam 8 ghante ki neend awashay leni chahiye is se jab aap subeh uthenge to apka mind bilkul fresh hoga aur memory bhi sharp ho jayegi. Neend poori na lene se health main kayi tarah ke issues ho jate hain.

4) Zaroori Chizon Ko Likh Lein : Apni memory ko sharp karne ka ek aur asan aur bahut hi most important tarika yeh hai ki aap job hi kam karna hai use likh lein aur iski adat dalen likhne se apki memory sharp ho jati hai aur aap us chizko kabhi nahi bhulte jo aap apne hathon se likhte hain.

5) Music Sune : Apko sun ne main chahe ajib lage ki music sun ne se apki memory sharp hoti hai. Agar aap ko koi bhi chiz yaad karni hai to iska sabse acha tarika yeh hai ki aap gana sunte hue yad Karen. Is se aap us chizko kabhi bhi nahi bhulenge jab bhi aap wo hi gana sunenge to apko sab kuch yaad a jayega.

6) Healthy Diet : Agar aap ek achi aur healthy diet ko follow karte hain to aap apni memory ko asani se badha sakte hain. Aap job hi khate hain uska seedha asar apke mastishk aur health per padhta hai. Isliye hmesha healthy diet khayen hari sabjiyon ka sewan Karen poshtik tatvo se bharpoor sean Karen yeh apki memory ko badhayenge. Apni diet main broccoli, cauliflower, walnuts ko shamil Karen yeh bahut hi ache antioxidents hain jo apke brain ki health ko acha karte hain.

7) Dusro Ko Padhayen : Agar aap apni memory ko sharp karna chahte hain to aap jis bhi chiz ko yaad karna chahte hain use dusron ko padhayen jab aap dusro ko padhayenge to apko khud b khud wo yaad rahengi. Yeh ek bahut hi acha tareeka hai apni memory ko sharp karne ke liye.

8) Crossword, Mind Games Khelna : Agar aap apne daily routine main mind games khelte hain ya puzzle khelte hain to is se apka mind active rehta hai aur aapki memory bhi sharp hoti hai. Newspaper main bahut se crossword games ati hain unhe zaroor solve Karen is se apka mind fresh bhi hota hai aur memory bhi sharp hoti hai.

9) Vitamin D Ka Sewan : Apne khane apni diet kapoora dhyan rakhen. Memory ko sharp karne ke liye apni diet main vitamin d ki matra ko badhayen agar aap me vitamin d ka level kam hoga to is se memory weak ho jayegi isi liye vitamin d ka adhik sewan Karen fruits, juices, dairy productes ka sewan Karen khas kar mosmi falon ka sewan Karen. Junks food ko avoid Karen jitna bhi ho sake kyunki yeh apki memory ko weak karte hain. To inka sewan kam Karen.

10) Smoking Drinking Ko Avoid Karen : Agar aap ko drinking ya fir smoking ki habit hai to koshish Karen ki jaldi hi in buri habits ko chor dein kyunki yeh mind ko block karti hai apki memory per bhi bura asar padhta hai inka. Ho sake to doctor ki help lein aur inse muti payen. In buri adton se apki health per bhi bahut hi bura asar padhta hai.

Aap agar upar likhi baton ka dhyan rakhenge to aap apni memory ko sharp kar sakte hain.

LEAVE A REPLY

Please enter your comment!
Please enter your name here