Kidney Care Tips in Hindi – Gurde Ko Swasth Rakhne Ke 10 Upay

0
99

Kidney Care Tips in Hindi – Aaj hum apko kidney ki dekhbhaal kese ki jaye iske baare mein batayenge. Khaskar 30-40 age ke baad kidney ki kaam karne ki kary karneki shamta kam hone lagti hai agar hum apni kidney ka dhyan nahi rakhte. Kidney hamari body ka bahut hi mehtavpooran hissa hain. Kidney ka swasth rehna bahut awashayak hai. Kidney ke healthy hone ka matlab hai apke sharir se awanchit padarthon ka taral roop se bahar nikalne wali pranali ka swasth hona. Healthy kidney apke sharir mein blood pressure ka santulan banaye rakhne mein bhi sahayak hai. Aaj hum apko batayenge ki kidney kharab kyu hoti hai aur kidney ko swasth kese rakha ja sakta hai. Taki hum swasth reh saken.

Kidney Care Tips in Hindi, Kidney Ko Healthy Rakhne Ke Tarike:

1) Madhumeh, Uch Raktchaap Aur Dil Ki Bimari Per Niyantran : Kidney ki samasya hone ka sabse ahem karan hota hai madhumeh, uch raktchaap aur dil ki bimari ka hona in bimariyo se kidney per dabaav badh jaata hai jis se iske kaam karne ki shamta kam hone lagti hai. Daibetes ke marizo ko regular kidney ka test karvate rehna chahiye taki pta chalta rahe ki kidney sahi prakar se kaam kar rahi hai ya nahi. Isi parkaar high blood pressure ke rogi ko bhi apne blood pressure ko niyantrit yani 140/90 se zyaada nahi badhne dena chahiye. Iske liye doctor ki salah se diet leni chahiye. Daily exercise,meditation karna chahiye.

2) Namak Ki Matra Ko Kam Karein : Apne khaane mein namak ki matra ko kam Karen kyunki adhik matra mein namak khaane se high blood pressure ho jaata hai aur jis se kidney ko khatra hota hai dusre adhik namak khaane se kidney stone ki sambhavna badh jaati hai. Bahar ka khaana zyaada khaane walon ko ye problem ati hai isliye jitna ho sake ghar ka bana khaana khaayen.

3) Paryapt Matra Me Paani Piyein : Rozaana khoob paani peena chahiye kyunki paani peene se body ke toxins, urea yeh sab bahar nakalte hain jis se kidney swasth rehti hai. Wese bhi doctor bhi yahi salah dete hain ki kam se kam 6 glass paani poore din mein zaroor peena chahiye. Aur kisi ko kidney stone ki shikayat ho to 2 se 3 litre paani peena us vyakti ke liye bahut hi awashyak hai. Paani hamare body ke temperature ko niyantrit karta hai. Digestion ke liye bhi paani peene bahut hi zaroori hai.

4) Urine Ko Control Na Karein :Jab bhi apko urine karne ka dabaav padhe to urine ko kabhi control na karein kyunki is se direct apki kidney par asar padhta hai. Kidney ka mukhay kaam blood ko saaf karna hota hai. Blood ke filtration ke baad jo bhi waste paani hota hai weh urinary bladder mein jama ho jata hai use bahar nikalna zaroori hota hai. Agar aap urine paas karne par control karte hain to is se kidney per bahut dabaav padta hai aur kidney stone hone ki ashanka badh jaati hai.

5) Fresh Food Khaayen Junk Food Ko Avoid Karein : Jitna bhi ho sake fresh food hi khaayen aur ghar ka bana khaana khaaye bahar ke khaane ko avoid karein khaaskar junk food. Agar aap zyaada unhealthy food khayenge to iska parinaam apki kidney ko bhugatna padega. Apni diet mein un foods ki matra ko badhayen jinse apki kidney swasth rahe jese daalen, fruits, nimboo, oranges.

6) Healthy Drink Piyein : Jitna bhi ho sake fresh juice peeyen yeh apke swasth aur apki kidney ke swasth ke liye bahut hi zyaada laabhdayak hain. Kabhi bhi band container waale juice ka upyog na karein. Juices apke digestion ko sahi rakhte hain aur saath hi saath apki body ke wastage ko bhi bahar nikalte hain. Coffee aur tea ko avoid karein. Kyunki inme caffeine hota hai. Agar kisi ko pehlese hi kidney ki problem hai to vegetables se bane juice khaaskar palak ka nahi peena chahiye. Lekin naariyal ka pee sakte hain. Padhiye Health Banane Ke Tarike Hindi Me.

7) Alcohol Aur Smoking Ko Tyaad Dein : Kidney ki problem hone ka ek aur karan hai alcohol ka atayadhik sewan karna aur smoking karna. Is se Kidney ke kaam karne ki shamta kam ho jaati hai. Inko avoid karna chaahiye. Alcohol peene se heart par bhi bura asar padhta hai jis se aage jakar bahut hi serious kidney problem ho sakti hai. Aap jitna ho sake khud to alcohol aur smoking ka sewan na karein sath hi saath jo apke jaankar inka sewan karte hain unko bhi iske dushparinamo ke bare mein jagrook karein.

8) Rozaana Kasrat Karein : Kidney ko swasth rakhne ke liye rozaana kasrat karein is se apki sehat bhi achi rahegi aur apki kidney ke karya karne ki shamta bhi badh jaayegi. Exercise karne se motapa nahi ayega aur na aap healthy rahenge. Overweight hone se bhi kidney asawasth ho jaati hai. Kidney par agar zyaada load pdega to is se kai tarah ke rog hone se bach jayenge. Padhiye Kasrat Karne Ka Tarika Hindi Me.

9) Koi Bhi Suppliment Khane Se Pehle Sochen : Koi bhi supplement chahe wo herbal hi kyu na ho khaane se pehle apko uski dosage ke bare mein poori jaankari honi chahiye ki weh apko kitni matra mein lena hai. Zyaada matra mein vitamin khaane se bhi apki kidney ko haani pahunch sakti hai to hmesha doctor ki salah lene ke baad hi koi bhi supplement khaayen.

10) Apne Aap Koi Bhi Medicine Na Lein : Ek baat ka sabhi logon ko vishesh dhyaan rakhna chahiye ki kabhi bhi apni marzi se koi bhi medicine ka sewan nahi karna chahiye. Kyunki kon si medicine kise kitni matra mein leni chahiye yeh bahut hi zaroori hai. Isliye kabhi bhi apne doctor khud na bane. Hmesha koi bhi medicine lene se pehle doctor ki salah zaroor lein. Khaaskar agar apko koi rog hai to apni marzi se dwai na khayen.

Aaj humne jo bhi apko tips bataye hain aap unko zaroor dhyaan mein rakhen taki aap ek healthy jeevan jeeyen aur apni kidney ko swath rakh saken kyunki apki kidney apko swasth rakhne mein bahut madad karti hai. Hamein asha hai ki aap hamare dwara bataye gaye tips ka laabh uthayenge.

LEAVE A REPLY

Please enter your comment!
Please enter your name here