Long Hair Tips in Hindi – Janiye Balon Ko Lambe, Ghane Aur Aakarshak Banane Ke Upay

0
159

Long Hair Tips in Hindi – Lambe baal har aurat aur ladki ka sapna hota hai. Har ldki ye chahti hai ki uske baal kale lambe aur ghane hon. Aisa aap bhi chahte honge aaj hum apne paathkon ke liye kuch aise hi tips laaye hain jinko apnaa kar aap apne baalo ko lamba kar sakte hain. Lambe baal karne ke liye apne baalon ka bahut dhyaan rakhna hota hai tabhi unki growth achi hoti hai.

Long Hair Tips in Hindi, Baalon Ki Dekhbhal Ke Liye Kuch Zaroori Tips:

1) Baalon ko hmesha saaf rakhein hafte mein kam se kam do baar shampoo zaroor karein.

2) Jab bhi dhoop mein jaayen to baalon ko cotton ke dupatte se dhak lein taki inme dhool naa pade.

3) Baalon ko hmesha baandh kar naa rakhein khaaskar garmiyon mein baalon mein paseena ata hai agar aap apne baalon ko paseene mein bhi baandh kar rakhenge to baal toot jayenge.

4) Baalon mein agar dandruff ho to uski treatment jaldi se karwaayen kyunki is se apke baal rookhe ho kar tootne lagte hain.

5) Baalon ke liye hmesha acche shampoo ka upyog karein.

6) Geele baalon mein kabhi bhi kanghi naa karein is se baal kamzor ho jaate hain aur zyaada toot te hain.

Aur adhik balo ki dekhbhal karne ke liye padhe: Natural hair care tips in hindi

Lambe Baal Ke Liye Gharelu Upaay :

1) Oiling Karna : Baalon ko lamba karne ke liye sabse pehla aur zaroori niyam yeh hai ki baalon ko niymit roop se tail lagaayen jese nariyal ka tail, jaitun ka tail, badaam tail, shikakai tail, istemaal karein. Hafte mein kam se kam do baar tail zaroor lagaayen. Aur jadon mein ache se maalish karein dheere dheere kabhi bhi zor zor se massage na karein.

2) Amla Ka Upyog : Amla baalon ko lamba karne ka ek prabhaavshaali tareeka hai. Amle mein vitamin C ki prachoor maatra hoti hai aur vitamin C baalon ko lamba karne mein bahut sahayak hai. Amle ka aap sewan bhi kar sakte hain. Aap amle ka pack bana kar bhi apne baalon per laga sakte hain.

3) Maithi Daane Ka Upyog : Baalon ko lamba karne ke liye maithi ke daane bhi bahut laabhdaayak hote hain. Aap maithi ke daanon ka paste bana kar bhi baalon per laga sakte hain. Is paste se aapke baal lambe aur ghane hote hain.

4) Color Ko Avoid Karein : Jitna bhi sambhav ho sake aap baalon mein colour ka paryog ka karein kyunki colour mein chemical hote jinse aapke baalon ka rang badalta hai. Yeh aapke baalon ki lambai ke liye haanikarak hai. Colour ki jagah per aap mehndi ka upyog kar sakte hain mehndi se bhi baalon ko colour kiya jaa sakta hai.

5) Baalon Ko Saaf Rakhein : Baalon ko hamesha saaf rakhein kam se kam hafte mein do baar baalon ko zaroor dhoyen. Baalon ko jab bhi dhona ho kam se kam1 ghanta pehle baalon per oil ya dahi zaroor lagaaye yeh aapke baaalon ki growth ke liye bahut laabhdaayak hai. Is se baal soft aur chamakdaar ho jaate hain. Lekin agar aapke baal zayaada oily ho to aisa naa karein.

6) Mehndi Ka Upyog : Apne baalo ko jitna aap poshan denge utna hi aapke baalon ki growth achi hogi. Mehndi se aapke baalon ko bharpoor poshan milta hai aur baalon mein jaan aa jati hai. Baalon mein natural rang bhi a jata hai mehndi se.

7) Kanghi Karne Ka Sahi Tarika : Baalon ko kanghi karne ka sahi tareeka yeh hai ki agar aapke baal zayaada uljhe hue hon to aap mote daanto waale brush se suljhaayen is se aapke baal zayaada nahi tootenge aur jaldi bhi suljh jaayenge. Hmesha baalo ko niche jhuka kar kanghi karein is se skull ka blood circulation acha hota hai aur baal jaldi lambe hote hain.

8) Diet Per Dhyaan Dein : Baalon ki growth keliye awashayakhai kiap ek achi diet lein jisme bharpoor maatra mein Vitamin A, B aur E hon. Apki diet ka seedha asar apki hair growth per padta hai. Apni diet mein green vegetables aur dry fruits, inka khoob upyog karein ye apke baalon ki growth mein bahut helpful hote hain. Padhiye dieting tips in hindi.

9) Amla, Reetha, Shikakai Powder Ka Upyog : Baalon ko sunder , Ghana aur lamba karne ke liye aap amla, reetha aur shika kai ke powder ka paryog kar sakte hain yeh pryog bahut pracheen samay se chala aa raha hai baalon ke liye. Is se baal ache se saaf bhi ho jaate hain aur lambe bhi ho jaate hain.

10) Hair Styling Ko Kam Karein : Jitna kam ho sake utna apne baalon ko style karne se door rakhen. Jese hair straightner, hair curlur , perming rod. Yeh styling products apke baalon ki jadon ko kamzor kar dete hain aur unhe todte hain. Inki heat se baalon ki shining khatam ho jaati hai.

11) Trimming Karwate Rahen : Baalon ko samay samay per zaroor trim karate rahein kyunki trimming seek toapke do muhe aur dry hair ki cutting ho jaati hai aur dusri aur trimming karane se apke baalon ki growth bhi achi ho jaati hai. Trimming karane se apke baalon ka volume bhi badhta hai aur baal ghane hote hain.

12) Stress Se Door Rahein : Stress se hamesha door rahein kyunki aap jitna stress lete hain utna hi apke baalon per asar padta hai stress lene se apke baal jaldi jaldi jharne lagte hain kamzor ho jaate hain. Apne apko tension free rakhein hamesha.

13) Hair Spray Aur Chemicals Se Bachein : Baalon ko spray aur chemicals se hamesha bacha kar rakhein hair gel ya hair spray ka baar baar upyog apke baalon ki jadon ko kamzor banata hai aur unki growth mein bhi rukawat paida karta hai. Isliye jitna ho sake natural product use karein jo apke baalon ko nuksaan bhi nahi pahuchayenge aur unhe healthy bhi rakhenge.

Is parkaar aaj humne apko apne baalon kolamba karne ke kayi gharelu nuskhe bataye hain agar aap in nuskhon ka paryog karenge aur apne baalon ki sahi se dekhbhaal karenge to aap zaroor apne baalon ko sunder, Ghana aur lambaa kar sakti hain.

LEAVE A REPLY

Please enter your comment!
Please enter your name here