Oral Hygiene Tips in Hindi – Sans Ki Badboo Se Chutkara Pane Ke Liye Upay

0
27

Oral Hygiene Tips in Hindi –┬áJis parkar hum apni body ke aur ango jese ankhon, face, stomach ka dhyan rakhte hain isi parkar oral hygiene bhi hmari health ka ek ahem hissa hai. Kyunki hum jo bhi khate hain wo hmare muh ke zariye hi pet tak jata hai is liye oral health ka dhyan rakhna bahut hi zaroori hota hai. Oral health main danto ki safai unko ache se brush karna, sans ki badboo se bachav, Jeebh ko saaf karna. Sahi brush ka chunav ye sabhi baate aki oral hygiene se related hain. Inhi ki jankari aaj hum apko denge.

Saans Main Badboo Hone Ke Karan:

  • Constipation rehna
  • Ache se daanto ko brush na karna
  • Muh main koi infection hona
  • Paani ka sewan kam karna
  • Pet main koi bimari hona
  • Khane khane ke baad muh ache se saaf na karna

Upper diye gaye sabhi karno se saans main badboo ho jati hai isi liye apni oral health ka dhyan rakhna bahut hi zaroori hai. Niche kuch aise hi tips diye gaye hain jinka dhyan rakhkar aap saans ki badboo se chutkara pa sakte hain.

Oral Hygiene Tips in Hindi, Saans Ki Badboo Door Karne Ke Ke Tips:

1) Ek glass pani ko garam Karen aur isme 2 chamch nimboo ka ras milayen aur is se din main do baar gargle Karen is se apki saanso ki badboo door ho jayegi.

2) Neem ya keekar ke datum se apne daanto ko saaf Karen is se bhi apki sans ki badboo ki problem door ho jayegi.

3) Paani kam peene se bhi kayi tarah ki muh ki problems hoti hain is liye pani ka khoob sewan Karen kam se kam din bhar main 3 se 4 ltr pani zaroor piyen.

4) Green tea peene se bhi muh ki bahut si problems door ho jati hain is se bhi muh ki badboo door ho jati hai.

5) Khana khan eke baad saunf khane se sans ki durgandh door ho jati hai.

6) Vitamin C wale falon aur juice ka sewan Karen

7) Aap muh ki durgandh ko door karne ke liye ilaichi bhi chaba sakte hain.

Home Remedies for Bad Breath in Hindi, Saans Ki Badboo Door Karne Ke Ke Gharelu Upay:

1) Din Mein Do Baar Brush Karna : Agar aap apne oral hygiene ka dhyan rakhna chahte hain aur saans ki badboo se bachna chahte hain to bahut zaroori hai ki aap din main kam se kam do baar brush zaroor Karen. Ek to subeh uthne per aur dusri baar jab raat ko aap khana khate hain uske baad hmesha sone se pehle brush kar ke sona chahiye. Is se poore din main job hi khan eke bache hue kan jo ki muh ke ander danton main lager eh jate hain wo bhi nikal jate hain.

2) Tooth Brush Change Karte Rahen : Is baat ka vishesh dhyan rakhen ki apne brush ko har 3 months main change karte rahen kyunki brush hard ho jata hai lekin agar apko yeh lagta hai ki aapka brush thik hai to aap aur time bhi ruk sakte hain. Hmesha soft bristles wale brush ka use Karen jo ki apke danto aur masuron ko nuksan na pahunchayen.

3) Danton Se Plaque : Daanto per jame plaque yani ki mail ko hmesha har baar brush karte samay hatayen kyunki iske karan apki saanson mein badboo ho jati hai. Is liye hmesha brush karte samay ache se har daant ki safai Karen aur is par jami mail ko ache se brush se saaf Karen.

4) Mouthwash Ka Use : Saans ki badboo se bachne ke liye sabse zaroori yeh hai ki aap hmesha brush karne ke baad ache se mouthwash se gargle Karen is se apki saanso ki badboo nahi rahegi. Oral hygiene ke liye mouthwash ka upyog zaroor Karen.

5) Smoking Na Kare : Aap oral health ke liye smoking se hmesha door rahen kyunki smoking karne se apke danton main peelapan a jata hai aur dusre muh se badboo aane lagti hai. Smoking ya fir tobacco ka sewan karne se oral cancer ka khatra bhi bana rehta hai is liye in chizon se door rahen tabhi aapswasth reh sakenge aur apki oral health achi rahegi.

6) Regular Dental Checkup : Agar aap apni oral health ke liye sochte hain to iske liye bahut hi awashayak hai ki aap regular dental check up karwate rahen taki agar kisi bhi tarah ki koi bhi samasya aaye to use turant dentist ki salah se aap door kar saken. Khaskar bachon ke oral care ka khaas dhyan rakhen kyunki bache din bhar kuch na kuch unhygienic khate rehte hain jese fast food etc.

7) Healthy Diet : Oral hygiene ke liye bhi bahut hi zaroori hai ki aap apnidaily khane wali diet ka vishesh dhyan rakhen kabhi bhi junk food jese fried khana, burger, pizza, oily foods inka sewan na Karen yeh apki health ko to kharab karte hi hain usi ke sath yeh apki oral health ke liye bhi nuksandeh hai.

Oral health ka dhyan rakhna apke apne haath main hota hai aapjitna apna dhyan rakhenge choto choti baaten jo upper batayi gayi hain un par amal karenge to aap saans ki badboo ke saath saath aur bhi kayi parkar ki oral samasyaon se bach jayenge.

LEAVE A REPLY

Please enter your comment!
Please enter your name here