Personality Development Tips in Hindi – Personality Develop Karne Ke 15 Aasan Tarike

0
74

Personality Development Tips in Hindi – Personality development ka arth hai apne vyaktitva ka vikas. Personality development mein kewal apka bolne ka tarika ,ya kapde daalne ka tarika hi nahi aata balki iske ilawa bahot si baatein hai jo apke vyaktitve ko darshati hai. Aaj ke adhunik yug mein apne vyaktitav per dhyan dena use nikharna bahot zroorihai kyunki log kewal apke kpde ya apke statue ko nahi balki ap me kya gun hai kya soch hai in sabhi baton par dhyaan dete hain. Humne is topic mein kuch tips diye hain jinko agar aap apnayenge to zaroor apne vyaktiv ko nikhaar sakenge.

Personality Development Tips in Hindi, Personality Develop Kaise Kare Janiye 15 Aasan Tarike:

1) Apka bahriy roop: Aap jab bhi kisi vyakti se pehli baar milte hain to apka sabse pehla dhyaan uske kapdo aur juton par jaata hai ki usne kis parkaar ke kapde ya jute pehne hain. To personality ko develop karne ka pehla niyam hai ki jagah aur awsar dekhkar kapde pehne. Agar aap party mein ja rahe hain to aap heavy suit daal sakte hain. Par agar aap business meeting ke liye ja rahein hain to formal suit pehne aur formal shoes pehne.

2) Apka Baat karne ka tarika : Apka baat karne ka tarika bhiapke vyaktitv ko darshata hai to hmesha mauka dekh kar aur kis se baat kar rahein hain usko dhyaan mein rakhte hue baat karein. Hmesha respect se baat karein.

3) Shabdon ka chayan dhyaan se karein : Jab bhi kisi se baat karein ya kuch discuss karein to shabdo ka chayan dhyaan se karein taki koi bhi esa shabby aap paryog na karein jo dusre ke samne apki chhavi ko khraab kar de. Istri he ya purush in sabko dhyaan mein rakh kar he baat karein.

4) Hmesha Positive attitude rakhein : Hmesha dusro se baat karte samay apni positive yani ki skaratmak soch rakhein jis se samne wale vyakti ko acha mehsoos ho. Aur wo aapbaaton se prabhavit ho.

5) Dusro ki kamiyan na nikale: Kbhi bhi samne wale ki kamiyan na nikale balki usme jo achi baaten hain un par dhyan dein hmesha positive rahein.

6) Apne aapko dusro se superior na mane : Kabhi bhi apne apko dusron ke samne superior dikhane ki koshish na karein agar aap esa karte hain ti samne wala vyakti aapko galt samjhega aur apki baton se prabhit nahi hoga.

7) Dusro ki niswarth madad karein : Jab aap office mein kaam karne jaate hain to ek dusre ke saath hmesha cooperate karein agar kisi sahayak ko apki sahayta ki jrurat ho to niswarth hokar aap uski madad karein esa karne se aapki prshansha hogi. Aur apka vyaktitav dusro ke samne ubharega.

8) Negitive soch ko tyag dein : Aap hmesha sakaratmak sochein aur vicharein kbhi bhi negative ya nakaratmak soch na rakhein kyunki nakaratmak soch apke vyaktitav ko ubharne nahi deti. Dusro ke samne bhi hesha positive soch rakhein aur unhe bhi nakaratmak soch se bachne kokahein.

9) Hmesha muskura kar dusro se milen : Hmesha jab bhi kisi se milen to muskura kar milen kyunki apki positive smile dusre ke man me apki image ko acha banati hai. Muskurane se samne wale ko bhi acha lagta hai.

10) Samne wale ka Naam yaad rakhein : Jab bhi aap samne wale se baat karein to to beech beech mein uska naam jaroor lein is se samne wale ko apni importance mehsoos hoti hai aur acha bhi lagta hai. Is se uska dhyan apki baton par rehta hai.

11) Main ki jagah aap ko dhyaan mein rakhein : Jab bhi aap kisi se baat karein to main ko mehtav naa deke samne wale ko mehtav dein. Samne wale ke bare main pooche bajay iske ki aap apne bare mein hi baat karein. Kyunki agar aap samne wale ke bare mein poochte hain to weh apni importance mehsoos karta hai.

12) Bolne se pehle suniye: Jab bhi aap kisi se baat karein to apni baat ko to saamne rakhein hi lekin sath hi saath dusre ki baat ko bhi dhyaan se sune aur use bolne ka mauka dein. Aap ko dusron ke samne ache vakta ban ne se pehle acha shrota hona zaroori hai. Is se samne wale ko acha lgega ki aap uski baton ko dhyaan se sun rahe hain

13) Kya kehne se jyada zaroori hai kese kehte hain : Aapkya kehte hai is se kahin jyada yeh mehtav rakhta hai ki aap kese kehte hain. Kyunki agar aap ke much se kuch galat shabad nikal jaye to aap sorry kehte hain lekin agar aap yeh sorry muh banakar samne wale ko kahenge to use acha nahilgega lekin agar aap vinamrta se maafi mangenge to samne wale ko bura nahi lgega.

14) Kya appreciate kar sakte hain ye khojiye : Duniya mein koi bhi aisa insane nahihai jise apni taarif sun na acha na lagta ho. Hmesha samne wale ki taarif karein lekin yeh taarif jhuthi nahi honi chahiye sachi honi chahiye. Har insaan mein kuch na kuch khoobi hoti hai apko bus use dhoodna hota hai. Agar aap ko sachi taarif krni na aaye to jhuthi taarif karne ki koshish na karein kyuki jhoothi taarif ka dusre kojaldi hi pata chal jaega.

15) Lagaataar improvement karein : Apne vyaktativ ka vikas karne ka ek aur mehtavpooran niyam yeh hai ki aap lagataar apne main sudhaar layein. Ye kabhi bhi na sochein ki aap ki improvement khatam ho chuki hai aap mein sabhi sudhaar a chuke hain. Aapjo bhi karte use aur sudhaarne kikoshish karte rahein. Kbhi bhi ye na sochein ki aap perfect ho chuke hain.

Is prakar aap upar di gayi baaton ko agar apne jiwan mein apneeyenge to apne vyaktitv ka vikas kar payenge. Personality development ek lagaatar chalne wali kriya hai iska koi ant nahi har vyakti ko apne vyaktiv ke vikas ke liye jo bhi sambhav ho karna chahiye. Aaj ke adhunikyug main agar aap tarakki karna chahte hain to apko na kewal apne bahriya vyaktitv balki aantrik vyaktitva ka bhi vikas karna chahiye. Apne bolne ka tarika, rehan sehan, khane ka tarika, uthna baithna, ye sab batein vyakti ke vyaktitav ke vikas ka hi hissa hai.

LEAVE A REPLY

Please enter your comment!
Please enter your name here