15+ Running Tips in Hindi – Janiye Daud Lagane Ke Tarike Aur Fayde

0
382

Running Tips in Hindi – Running yani ki daurna ek bahut hi laabhdaayak exercise hai. Kisi bhi aur exercise ki tarah running bhi ek exercise hai. Ise har umer ke logon ko karna chahiye. Kuch log apne shaunk ke liye running karte hain aur kuch log apni health ko thik rakhne ke liye running karte hain. Running ek aisi exercise hai jiske liye pese ki zaroorat nahi hoti na hi maehngi machines ki zaroorat hoti hai. Running karne se bahut se labh hote hain. Niche kuch tips diye hain running ke. Running se kya kya laabh hote hain.

Running Ke Liye Tyaariyan:

Warmup Karna : Running ka sabse pehla niyam hai pehle boby ko warmup karna kyunki warmup se body main energy a jati hai uske baad running karna easy hota hai. Warmup karne se apke heart par stress kam pdta hai.

Sahi Shoes Ka Chhunav : Running karne ke liye hmesha sport shoes pehne jo ki comfortable ho aur light weight ho. Taki jab aap running karein to ap discomfort na ho. Kabhi bhi running ke liye pointed shoes na lein kyunki is se apko foot pain ho sakti hai jis se aap running nahi kar payenge.

Apna Ek Lakshay Banana : Runningke liye apni body aur mind dono set rakhein ki apko achi health ke liye running karni hai. Apna ek lakshay banayein ki apko har roz kitni running karni hai. Aur us par adig rehna.

Comfortable Kapde : Running ke liye sahi kapdo ka chunav karein running karne ke liye hmesha thode loose kapde jo ki araamdaayak ho wohi kapde choose karein. Joggingsuits bhi running keliye araamdayak hote hain.

Running Tips in Hindi Me, Daud Lagane Ke Behad Aasan Tarike:

1) Agar barish ka mausam ho to aap Treadmill running kar sakte hain.

2) Jyadatar log road par running karte hain. Jo asaan bhi hai aur laabhdayak bhi.

3) Bahut jyada garmi mein bahar na daude kyuki jyada garmi mein bahar daudne se apki energy waste hoti hai. Isliye agar aap garmi mein running karna bhi chahte hai to sube sube ya fir der sham ko running karein jab thoda sa tapman kam ho jaye. Garm temperature mein daudne se dehydration, heat exhortion, Heat stroke jesi bimariyan ho jaati hai joapki body ke liye sahi nahi hai,

4) Running har age ka vyakti kar sakta hai.Yeh kewal bacho ya young logo ke liye hi ek achi exercise nahihai balki yeh badho ya aged logon keliye bhi bahut laabhkaari vyayam hai. Age ke anusaar ham running ko slow ya tez kar sakte hai.

5) Kayi baar new runners yeh galti karte haiki we shuruat mein hi 1 mile 2 mile ke according running karte hain yeh tarika galat hai jisne pehli baar running shuru kiho use pehle minutes ke according running karni chahiye.

6) Agar aapke paas kewal 15 minute hain running ke liye to running ko avoid na karein kyunki naa se acha hai ki aap 15 minute hi running kar le taki iski practice na chhoote.

7) Apni body ke anusaar hi running karein. Jabardasti running kabhi na karein agar apki body allow nahi karti to.

8) Jab bhi aap running karein to apni body ke upper portion ko proper form mein rakhein kyunki improper position se aap apni body ko nuksaan pahuncha sakte hain. Improper position se apki back, shoulder, neck aur arm mein pain ho sakta hai. Running karte samay hmesha apne posture ko straight yani sidha rakhein. Apka head upper ki aur samne ki aur hona chahiye apki back straight honi chahiye.

9) Isi tarha jyada thand ke mausam mein bhi bahar running na karein. Kyunki jyada thand mein daurne se skin red ho jati hai. Aur body ka temperature kam ho jata hai joki swasth ke liye khatarnak hai. Jyada thand mein running se hath per sunn ho jaate hain.

10) Running se dehydration ho jaati hai isliye khoob paani pina chahiye kyunki running se khoob pasina ata hai jis se body ke lavan kho jate.

11) Jo log bhi running karte hain unhe bharpoor pani peena chahiye. Kyunki daud lagane se body mein paani ki kami hojaati hai.

12) Pagdandi par bhi kai log running karte hain jo ki ubad khabad hoti hai jiske liye bahut balance ki zaroorat hoti hai. Is parkar ki daud lagane se runner apni body par balance banana sikhna hai.

13) Kai log bahar running ke liye jate hai jis se we dusre logon se mail jol bada sakein.We is se apni health bhi bana lete hain aur sath hi saath dost bhi bana lete hain.

14) Jin logo ko running ka shaunk hota hai wo log ise apna profession bhi bana sakte hain. Kyunki running ek athletic game hai. Milka singh ka naam sabne suna hoga we bhi ek athletic champion rahe hain.

15) Kayi new runners ko esa lagta hai ki unhe running karte hue kewal nose se saans lena hota hai lekin esa nahi hai running ke samay mouth and nose dono se saans lena chahiye. Tabhi apke lungs ko muscles ko proper oxygen milegi.

16) Jo bhi log hill per running karte hain unhe is baat ka dhyaan dena chahiye ki apna balance bana kar rakhne chahiye. Kuch log yeh galti karte hain we hill area mein lambe kadam aur tez kadamo se bhagte hai jabki yeh running ka galat tarika hai jab bhi aap hill area mein running karte hai to chote kadam lene chahiye aur thodi dhimi gati honi chahiye is se aap injury se bach jayenge nahi to apki muscles ko nuksaan ho sakta hai.

Running Ke Benefits Hindi Me, Daud Lagane Ke Fayde:

1) Running se blood ka circulation badta hai.

2) Running se weight loose hota hai kyunki running se body mein pasina ata hai aur fats burn hote hain.

3) Bachon ko bachpan se hi running ki aadat daalni chahiye kyunki is se unki boby bhi fit rahegi aur mentally bhi veh healthy rahenge.

4) Running se bahut si calories burn hoti hai.

5) Running se kai tarah ki bimariyon se bacha ja sakta hai jese heart disease, obesity, high BP

6) Running se cholesterol ka level kam hota hai. Jin bhi logon ka cholesterol bada hota hai jo ki health ko nuksaan pahunchata hai isko kam karne mein running bahut hi helpful hai.

7) Running se metabolisam badta hai

8) Running se energy badti hai

9) Running se muscles strong hote hain aur bones bhi strong hote hain.

10) Running se health ka overall improvement hota hai.

11) Running osteoporosis ke khatre ko kam karta hai.

12) Running se tanav kam hota hai aur man prasan hota hai.

Is parkaar humne jo apko running tips in hindi diye hai agar aap in tips ko apnayenge to apko running mein kafi help milegi.

LEAVE A REPLY

Please enter your comment!
Please enter your name here