Skin Care Tips in Hindi – In Gharelu Upay Se Kare Apne Twacha Ki Dekhbhal

0
501

Skin Care Tips in Hindi – Healthy aur sunder skin har aurat ka sapna hota hai. Parantu kya aap jante hain ki ise pane ke liye apni skin ki bahut dekhbhaal karni hoti hai tabhi aap apni manchahi skin paa sakti hai. Kai aise ghrelu nuskhe hain jinko apna kar aap apni skin ko sunder aur swasth bana sakte hain. Kuch khaas tips ki jaankari is parkaar hai. Skin teen tarah ki hoti hai dry skin, oily skin aur normal skin. Har parkaar ki skin ki care karne ka alag alag tareeka hai. Humne kuch bahut hi asaan aur zaroori tips niche diye hain jinko apna kar aap apni twacha ko sunder aur glowing bana sakte hain.

Secret Skin Care Tips in Hindi, Skin Care Ke Liye Kuch Daily Tips:

1) Rozana Skin Saaf Karein : Apna har roz ka ek niyam bana lein ki apko har roz do baar kam se kam apne face to gungune paani se dhona hai. Apki skin chaahe kesi bhi ho dry, oily ya normal rozaana jab bhi bahar se aayen to apne face ko ache se gungune paani se dhoyen fir towel se saaf karein.

2) Skin Ke Anuroop Product Khariden: Apni skin type ko achi tarah se jaaniye uske baad hi koi bhi beauty product khariden. Agar apko iski jaankari nahi hai to beauty expert se apni twacha ki jaanch karayen aur fir hi kuch khariden. Apni skin ke anusaar hi koi bhi beauty product khariden jese agar aap ki skin dry hai to dry skin product hi khariden.

3) Khoob Paani Piyen : Apni skin ko hmesha glowing aur healthy rakhne ke liye rozaana khoob paani piyen kam se kam 8 glass paani zaroor piyen. Taki apki body ke toxins nikal sakein aur apki skin saaf ho jaaye. Paani peene se skin mein chamak aati hai. Paani jitna piyenge twacha utni hi sunder aur chamkdaar banegi. Agar aap bahar bhi jaate hain to paani ki bottle saath le kar jaayen taki apko jab bhi pyaas lage aap paani ee saken.

4) Roz Yoga Aur Exercise Karein: Agar aap apni skin ko healthy aur khoobsoorat banana chahte hain to daily exercise aur yoga karein is se skin per glow ayega. Apko kabhi bhi skin se related koi bimari nahi hogi. Kyunki exercise karne se apki body mein paseena aata hai jis se apki body ke fats burn hote hain.

5) Dhoop Se Bachen : Dhoop mein jab bhi bahar nikle to sun screen lotion zaroor lagayen aur sath hi saath apne face ko scarf se dhak ker jaayen khaaskar garmiyon mein apne skin ki dekhbhaal karna bahut hi zaroori hai. Agar aap garmiyon mein sidhe dhoop ke sampark mein aayenge to apko sun burn ho sakta hai aur twacha jhulas sakti hai.

6) Bharpoor Neend Lein : Raat ki neend ko kabhi bhi avoid na karein. Raat ko kam se kam 8 ghante ki neend zaroor lein. Kyunki bharpoor neend apki health, body aur skin ke liye bahut hi zaroori hai. Aap jitni achi aur bharpoor neend lenge utna hi apki skin healthy aur shiny rahegi.

7) Saste Skin Product Na Lein : Kabhi bhi apni skin ke saath experiment na karein. Apni skin ki care ke liye jab bhi market mein beauty product lene jayen to kabhi bhi saste ke chakkar mein na paden. Ache branded company ke skin product khariden. Is se apki skin ko numsaan nahi pahunchega.

8) Sensitive Skin Ka Khaas Dhyaan Rakhein : Agar aap ki twacha bahut hi sensitive hai to apni skin ka khaaskar dhyaan rakhein. Koi bhi product bina beauty expert ki salah se na use karein. Agar skin sensitive ho to zayaada make up ka upyog na karein kunki apki twacha ko nuksaan ho skata hai.

9) Junk Food Avoid Karein : Hum jaisa bhojan karte hain wesi hi hamari skin ho jaati hai. Junk food ko bilkul band kar dein jese pizza, burger, sandwiches, oily khaana. In sabko band kar dein kyunki yeh cheezen apki twacha ko haani pahunchati hai aur saath hi saath apki health per bhi boora asar padta hai.

10) Skin Ko Towel Se Zyaada Rub Na Karen : Skin ko saaf karne ke liye hmesha soft towel ka hi upyog karein jis se apki twacha ko koi nuksaan na pahunche. Jab bhi face paani se wash Karen to uske baad towel se zyaada na rub Karen. Kyunki zyaada towel ragarne se apki skin dullho sakti hai.

11) Raat Ko Makeup Utar Kar Soyein : Aap agar makeup lagate hai to is baat ka vishesh dhyaan rakhein ki raat ko sone se pehle hmesha apne makeup ko ache se cleansing milk se saaf karke hi soyen. Khaaskar eye makeup ko ache se utaren. Kyunki makeup mein chemicals hote hain jo zayaada der tak lage rehne ke karan apki skin ko nuksaan pahuncha sakte hain.

12) Fruits Aur Hari Sabjiyan Khaayen : Jitna ho sake juice, fal aur sabjiyaan khaayen. Agar aap apni skin ko hmesha sunder aur chamakdaar rakhna chaahte hain to khoob fruits aur hari sabjiyaan khaayen kyunki ye apki twacha ko healthy rakhten hain. Inme kuch khaas poshak tatv hote hain jo hamari skin keliye awashayak hote hain. Skin ko healthy rakhne ke bharpoor matra mein vitamin, carbohydrates, minerals se bharpoor khana khaayen.

13) Moisturiation Lagaayen : Skin ko moisturized karna bahut hi zaroori hota hai. To hmesha ek ache moisturizer ka paryog zaroor karein jo apki skin tone ko suit kare. Chaahe apki skin kisi bhi parkaar ho parntu is per moisturization zaroor lagaayen kyunki moisturization apki twacha ko soft aur skin ko chamakdaar banata hai.

14) Apni Skin Ke Anusar Pack Lagana : Skin ko sunder banana ke liye kai tarah ke face packs market mein milte hain lekin packs ka chunaav apni skin tone ke anusaar hi karein. Ya fir gharelu packs ko apnaayen. Jo safe bhi hote hain aur asardaar bhi.

Is parkaar humne jo aap ko skin care ke tips bataaye hai agar aap in chhoti chhoti baton ka dhyaan rakhenge to aap ki skin hmesha healthy rahegi aur sunder bhi rahegi. Humen poori asha hai ki apko ye tips zaroor ache lage honge.

LEAVE A REPLY

Please enter your comment!
Please enter your name here