15+ Study Tips in Hindi – Janiye Sahi Tarike Se Kaise Padhe

0
101

Study Tips in Hindi – Padhayi yani study kese ki jaaye iska bhi ek tarika hota hai. Padhayi agar sahi samay sahi jagah sahi environment mein ki jaaye to safalta zaroor milti hai. Aaj hum apko wo tips btayenge jinka anusaran karke vidyaarthi apni padhai mein safal ho sakte hai aur manchahe parinam pa sakte hai.

Study Tips in Hindi Me, Padhai Karne Ke Kuch Asaan Tarike:

1) Apni Manodasha Nirdharit Karein : Padhayi ka sabse pehla aur mahatavpooran niyam yeh hai ki vidyarthi ko yeh jan na awashyak hai ki wo kese pdhayi karna chahta hai. Uska man kab karta hai padhayi karne ko din mein, raat mein, gaane sun kar, vidyarthi ko apni manosdasha ka pta lgaana chahiye. Tabhi weh pdhai man laga kar kar payega.

2) Dhyaan Yani Concentration: Padhai ka dusra aur mahatpooran tip hai concentration. Bina concentration ke aap kabhi bhi man se nahi padh payenge. Hmesha dhyaan laga kar padhe tabhiaap study mein safal ho paayenge.

3) Samay Sarini Bana Le: Padhai ka dusra aur bahut hi ahem tip yeh hai ki prateyak vidyarthi ko ek samay sarini banani chahiye ki use kab pdhna hai, kitne ghante panda hai aur kitna padhna hai. Samay sarini se vidyarthi ka har roz ka ek niyam ban jata hai. Jo uski padhayi mein madadgaar hota hai.

4) Study Group Banane Ki Koshish Karein: Study ka ek aur tarika yeh bhi hai ki vidyarthi apna ek study group bana lein study group ka sabse bada faayda yeh hota ki isme kathin se kathin Vishay bhi aasani se hal ho jaata hai.

5) Class Discussion Mein Bhaag Lein: Wohi vidyarthi pariksha mein ache marks leta hai jo apni padhai mein ane wali kathinaiyon ko class mein discuss karta hai teacher ke saath. Aura pne parshno ka hal dusron se puchta hai samajhta hai. Vidyarthi ko chahiye ki agar unke man mein koi bhi prashan ho to wo class mein puche.

6) Libraray Ki Help Lena: Kayi baar kuch ese Vishay hote hai jinki proper book nahi milti is sthiti mein aap library jaa sakte hain library mein apko har subject ki alag alag author ki book mil jayengi jis se apko study ka bahut material mil jaega.

7) Continuous Na Padna: Study ka ek niyam yeh bhi hai ki aap kabhi bhi continuous yani lagataar na padhe. Apni samay sarini mein thoda sa rest ka time bhi add karein. Kyunki lagataar padne se ankhein aur dimag thak jaate hai. Inhe fresh karne ke liye thodi thodi der baad kuch samay ke liye vishram karein.

8) Kisi Ki Help Lene Mein Na Jhijhken: Kuch aise Vishay hote hain jo vidyarthiyon ko kathin lagte hai jese mathematics isme agar apko kisi dusre ki help leni padehe to lein isme sarmaayen mat na hi jhijhken. Kyunko agar aap help nahi lenge to apke number kam ayenge aur ap apna lakshya nahi pa sakenge.

9) Time Management: Time management wo samay nahi hai apne padne mein bitaya balki ye veh samay hai jisme apne kuch samjha jaana aur padhai mein apne gyaan ko bdhaaya. Agar apne samay sarni ke anusaar study ki aur exams mein apke 60% aaye to iska matlab apne apna time waste kiya. Apne study plan koapko viksit kaarna hoga taki apko apka manchaaha result mil sake.

10) Tanavmukat Reh Kar Study Karna: Study karne ke liye apne mind ko tanavmukat rakhein. Kabhi bhi tanav mein rehkar aap ache se concentration se nahi padh sakte. Agar aap jabardasti padhenge bhi to jaldi bhul jaayenge yaad kiya hua isliye padhai ke samaysirf apni study ki taraf hi dhyaan dein.

11) Apna Lakshay Banayein: Hmesha ek lakshay bana kar study karein ki aaj apko kya kya padhna hai aur kitna padhna hai. Bina lakshay banaye aap safalta nahi pa sakte.Agar aap apna koi aim bana lenge to use pane ki koshish bhi karenge. Study mein yeh bahut zaroori hai.

12) Good Environment: Study ke liye ek bahut zaroori baat hai ki jab bhi vidyarthi study karein to ache environment mein study karein iska arth yeh hai ki hmesha ekant mein study karein jahan koi shorgul na ho jis se apka man baton mein na bhatke na hi apka dhyaan idhar udhar jaaye. Aap aram se padh sakein.

13) Ratta Na Maarein: Padhayi ka ek niyam yeh bhi hai ki kabhi bhi ratta lagane ki koshish na karein kyunki jo vidyarthi ratta lagakar study karte hain we yaad kiya hua jaldi bhul jaate hain. Jab bhi study karein apne Vishay ko samajh ke padhe isse aap kabhi ni bhulenge yaad kiya hua lesson. Agar apko kuch samaj mein na a raha ho to aap dusro ki yani apne sehpathiyon ki, apne parentski, apne teachers ki helplein isme mat sharmaayein.

14) Poshtik Aahar Lein: Hmesha study karne wale vidyarthiyon ko poshtik khana khana chahiye taki apka swasth yani health achi rahe hmesha aur apki body ko sabhi parkar ke proteins, vitamins milen jis se aap active bhi rahenge aur apka mastishak bhi tez hoga. Kuch vidyarthi padte to hain par khane mein koi dhyan nahi dete is se we asawasth ho jate hai aur unki padhai par bura asar padhta hai.

15) Padhte Samay Phone Sath Mat Rakhein: Kabhi bhi padhne ke samay phone ko saath mein mat rakhein is se study ka bhi nuksaan hota hai. kyuki apka dhyaan bhatk jaata hai aur ap sahi se nahi study kar pate. Is se aap apni concentration kho dete hai jo safalta ke raste mein rukawat hai.

16) Apne Dhyaan Ko Na Bhatkane Dein: padte samay sirf padhai per dhyaan dein aur baton ko bhul jaayein. Agar aap apne dimaag mein ye dhaan lenge ki apko ache numbers lene hain to apko koi ni bhatka sakta aur aap zaroor safalta pa sakte hain

Is parkaar hamein aasha hai ki humne jo uper study ke tips diye hain unse apko apni study mein bahut laabh hoga. Aur aap agar in tips ko apnayenge to safata ko zaroor paa sakenge. Study key eh tips apko apka lakshay prapat karne mein sahayak honge.

LEAVE A REPLY

Please enter your comment!
Please enter your name here