Sugar Control Tips in Hindi – Janiye Sugar Ki Bimari Ko Kam Karne Ke Upay

0
116

Sugar Control Tips in Hindi – Aajkal sugar jise madhumeh bhi kaha jaata hai ek aam bimari ki tarah hi ho gayi hai. Pehle sugar ko ek bahut hi bhyaanak ya lailaj bimari mana jata tha. Lekin ab science ne itni tarakki kar li hai ki iski roktham ke liye kayi tarah ki dawaiyan aa gayi hain. Agar aap dwaiyon ke sath sath apni diet per bhi dhyaan dein to aap apni sugar ko control kar sakte hain. Humne sugar ke karan, lakshan kabhi varnan kiya hai. Humne niche kuch tips diye hain jinko apna kar aap apni sugar per control kar sakte hain.

Sugar Hone Ke Karan:

1) Sugar ki bimari khoon mein glucose ka star badh jaane se hoti hai.

2) Dusra karan hai khane ki galat aadten jinse sugar ho sakti hai jese zyaada mitha khaana, cold dring, tale hue padarth zyaada khana, motapa, tension, smoking,drinking adi.

Sugar Ki Bimari Ke Lakshan:

1) Zyaada bhukh lagna, baar baar bathroom jaana, zyaada pyaas lagna ,bina kaam kare thakaan hona,

2) Body mein agar koi ghav ho jaye to uska jaldi thik na hona, baar baar skin infection hona

Sugar Control Tips in Hindi Me, Sugar Kam Karne Ke Liye Tarike:

1) Chini ka paryog kam karein : Sugar pe control karne ke liye sabse pehle chini ka paryog kam karein aur chiniki jagah sugarfree ka upyog karein.

2) Khane mein zyaada gap na rakhein : Sugar wale vyakti ko thodi thdi der ke gap mein kuch na kuch light khana chahiye zyaada gap nahi dena chahiye kyuki khali pet bhi sugar banti hai.

3) Daily sair karein : Walk yani daily morning aur evening walk karne se sugar control hoti hai aur aap swasth bhi rehte hain. Jitna bhi ho sake subeh ki ser karein.

4) Vyayam karein : Daily vyayam yani kasrat bhi karein lekin kisi instructer ki guidance main kyunki kuch exercise hain jo sugar wale kar sakte hai kuch unko nahi karni hoti. Padhiye exercise karne ke fayde hindi me.

5) Choker ka aate ka paryog : Sugar wale vyakti ko gehuke ate ke sthan par Choker ka aata aur hari sabjiyon ka zyaada se zyaada sewan karna chahiye.

6) Yoga karein : Yoga bhi sugar ko control karta hai sugar ke rogi ko daily yoga pranayam karna chahiyr lekin kisi yoga instructer se puch kar.

7) Fried aur junk food se parhej karein : Sugarko niyantran karne ke liye tali hui chize jese pakore, samose, tikki in sabhi chizo ko avoid karein kyunki ye chize sugar ko badhati hain.

8) Zyaada mithe fruit na khayein : Sugar wale vyakti ko ise control karne ke liye zyaada raseele mithe fruit nahi khane chahiye, jese Mango. Kyunki aam ras se bharpoor hota hai aur iska mitha sugar ko badhata hai.

9) Tension se bachein : Sugar hone ka ek mehtavpooran karan hai tension yani tanav. Tension lene se bhi sugar bantoi hai agar aap sugar se bachna chahte hain ya sugar ko control karna chahte hain to tension se bachein . Stress ya tanav ke karno se bachein. Yoga , pranayam aur dhyaan se apne tension ko control mein karein.

10) Hari sabjiyan khayein : Sugar wale vyakti ko hari sbajiyon ka zyaada se zyaada sewan karna chahiye kyunki inse sugar control mein rehti hai.

11) Balance diet : Sugar walon ko apna khana bhi santulit lena chahiye jese dalein, khani chahiye, muli ka salad ya muli khane se bhi sugar control hoti hai. Muli, tamatar, gajar, palak, patta gobi, pyaaz, lehsun, khira in sab chizon ka sawan karein. Inse sharir ko takat milti hai yeh sugar se hone wali weakness ko doorkarti hain. Aur body mein sugar ban ne mein control bhi karti hai. Padhiye dieting tips hindi me .

Sugar Ko Control Karne Ke Kuch Gharelu Upaay:

Ab hum apko kuch gharelu upaay batayenge jinko apna kar aap apni sugar par control kar sakte hain. Aur ye upaay aap apne ghar mein kitchen mein use hone wali chizo, sabjiyon sekar sakte hain.

1) Methi dana : Methi dana sugar ko control karne ka ek behtareen upay hai. 1 ya 2 chamach methi daana ko rat ko I glass pani mein bhigokar rakh dein. Sube ko methi daaneko chaba chaba kar kha jaayeinaur iske paani ko pi jayein.Is se aap ki sugar control mein rehegi.

2) Karela : Krela bhi sugar controlkarne ke liye ek mehatavpooran upaay hai. Aap agar karele ka juice akele piyen toyeh bahut labhprad hai sugar per control karne ke liye ya fir aap amle ke ras mein krele ka ras milakar bhi pi sakte hain is se bhi sugar par niyantaran hota hai. Aap karele ki sabji bhi kha sakte hain.

3) Jamun : Jamun kafal jitna khane mein swadishat hota hai utna hi sugar ko control karne ke gun bhi hain isme. Jamun ke seasom mein jamun khaya karein aur jab jamun ka season na ho to iski guthlion kachuran banakar bhi kha sakte hain.Isse bahut jald sugar per control ho jaata hai.

4) Chukandar: Chukandar bhi sugar ke rogiyon ke liye bahut hi laabhprad hai, Chukandar mein potassium aur vitamin c bharpoor matra mein hota hai. Iske sewan se sugar ke rogiyon ko jo thakan hoti hai wo nahi hoti aur sharir ko takat milti hai.

5) Lauki : Lauki ek aisi sabji hai jiska juice sugar ke rogiyon ke liye bahot hi vardaan ki tarah hai. Agar sugar ka rogi roz sude laukika juice piye to is se sugar per control kiya ja sakta hai. Lauki ka juice aur bhi kai tarah ki bimariyon ko thik karne mein madadagaar hota hai. Is sile iska juice bahut laabhdaayak hai sugar ke liye. Padhiye gharelu nuskhe hindi me.

Sugar ko control kewal dawaiyon sehi nahi balki hum apne ghrelu nuskho sebh kar sakte hain. Humne jo bhi aapko sugar control karne ke liye tips diyen hain hamein asha hai agar aap ise apnayenge to sugar ko control karne mein apko bahut madad milegi. Lekin sugar ke liye aap jo bhi medicine lein wo doctor ki salah se lein. Agar aap un baton jo humne upar batayi hain un par amal krenge to aap bina dwaayiyon ke bhi apni sugar thik rakh sakte hain.

LEAVE A REPLY

Please enter your comment!
Please enter your name here