Tips to Remove Dark Circle in Hindi – Aankhon Ke Niche Ke Kale Ghere Hatane Ke Gharelu Upay

0
253

Tips to Remove Dark Circle in Hindi – Agar aapka rang gora hai lekin aapki ankhon ke neeche kaale ghere hain to apke chehre ki sundarta kam ho jaati hai. Dark circles hone ke kai karan ho sakte hain. Agar un karno ka pata chal jaaye to aap apne dark circles ko door kar saktihain aur saath hi saath kuch aise gharelu upaay hain jinko apna kar aap dark circles hata sakti hain.

Dark Circles Hone Ke Karan:

1) Dark circles yani kale ghere jo ki aankhin ke neeche hote hain uske kayi kaaran ho sakte hain. Unme se kuch niche diye gaye hain.

2) Dark circles hone ka sabse pehla kaaran hai poori neend naa lena agar aap raat ko kam se kam 7 ghante ki neend rozaana nahi lete to aapke ankhon ke niche dark circles ho jaate hain.

3) Dusre agar aap tanav mein ya stress mein hote hain aur zyaada sochte rehte hain to bhi iska asar akhon per padhta hai aur dark circles ho jaate hain.

4) Ankhon ki neeche ki skin bahut hi patli hoti hai isse bhi vahan ka colour dark ho jaata hai aur kale ghere se dikhne lagte hain.

5) Smoking aur drinking bhi dark circles ko badhaate hain.

6) Zyaada dhoop ke sampark mein rehne se bhi kale ghere ho jaate hain ankhon ke neeche.

How Tips to Remove Dark Circle in Hindi, Dark Circles Ko Kese Remove Kare:

1) Tanaav Se Door Rahen : Sabse pehle to dark circles ko door karne ka upaay hain ki hmesha khush rahein aur tanaav se door rahain kyunki is se kale ghere badhte hain.

2) Proper Need Lein : Agla upaay hai ki aap proper neend lein raat ko. Kam se kam raat ko 7 ghante ki neend zaroori lein taki aap fresh ho subeh.

3) Smoking Aur Drinking Avoid Karen : Apne lifestyle ko badlen. Agar aap drink aur smoke karte hain to iska sewan band kar dein. Kyunki is se kaale ghere padhte hain.

4) Dhoop Se Bachen : Dhoop se apne face ko bacha kar rakhein agar dhop mein jaana hi padhe to hmesha apne face per scarf bandh kar hi jaayen tai apka face dhoop ki kirno se bacha rahe.

5) Massage of Almond Oil : Thoda sa badaam ka tail haathon mein lein au rise apne dark circles per laga kar halke haathon se massage karein aur is tail ko poori raat laga rehne deon sube uth kar apne face ko thande paani se dho lein aisa tab tak karein jab tak apke face se dark circles hat naa jaayen.

6) Kheere Ka Upyog : Dark circles ko kam karne ka ek bahut hi asardaar tareeka hai ki aap kheere ke gol gol tukde kaat lein aur fir un pieces ko 30 minute tak dhanda hone dein fir 10 minute tak inhe dark circles per laga rehne dein aisa ek din mein do baar karein fir dhande paani se apna face dho lein fir aap 1 hafte baad iska result dekhen.

7) Kachha Aaloo : Kacha aaloo ek natural bleach ka kaam karta hai isiliye yeh kaale gheron ko bhi kam karta hai. Thande aaloo ko ache se grate karein taki uska juice nikal aaye. Fir is juice ko cotton pad ki madad se apne dark circles per lagaaye taki iske juice se wo area bhar jaaye aur 15 minute tak ise lagaa rehne dein. Aisa har roz karein aur fir 2 ya 3 hafte baad fark dekhen.

8) Gulaab Jal : Dark circles ke liye gulaab jal ka upyog bahut hi upyogi hai. Gulaab jalse ek to ankhon ko thandak milti hai. Yeh ek tarah se skin toner ka bhi kaam karta hai. Cotton eye pad mein gulaab jal ko thodi der bhigo kar rakhein fir apni ankhen band karke apni ankhon ke upper inhe soakkarke rakhein. Kam se kam 15 minute tak inhe laga kar rakhein. Aisa aap har roz 2 se 3 baar karein. Is se dark circles ki problem thk ho jaayegi.

9) Tamatar Ka Upyog : Tamatar mein bleaching ke gun hote hai . Isi parkaar yeh apki ankhon ke dark circles ko door karne ke liye bahut hi upyogi hai. 1 chamach tamatar k eras mein adha chamach nimboo ka ras mila lein fir is mixture ko dark circles per lagaayen. Aur kam se kam 10 minute tak laga rehne dein. Fir 10 minute ke baad ankhon ko dhande paani sedho daalen. Is parkriya ko daily 2 se 3 baar dohraayen fir iska result dekhen.

10) Aloevera Gel Pack : Dark circles ko door karne ke liye aap aloevera ke gel ka peryog bhi kar sakte hain. Iske liye aap fresh aloevera gel lein usse dark circles per dheere dheere massage karein. Fir ise 10-12 minute tak aise hi laga rehne dein. Aur fir geele cotton pad se apni eyes ko saaf kar lein. Aisa ek baar din mein aur ek baar raat ko sone se pehla karein is se apke dark circles hat jaayenge.

11) Olive Oil : Dark circle ko hatane ka ek aur tareeka hai ki aap kuch boonden oilive oil yani jaitoon tail ki lein unse dheere dheere dark circles ki massage karein aisa 1 se 2 minute tak daily karein sone se pehle aur raat ko ise aise hi rehne dein fir dekhen apke dark circles dheere dheere kam ho jaayenge.

12) Haldi Ka Paryog : Hum sabhi jaante hain ki haldi skin ko light karne mein bahut hi asardaar hoti hai. Dark circles ko kam karne ke liye aap haldi mein thoda sa badaam ka tail mika kar paste bana lein aur ise dark circles per laga ker halke haathon se 1 minute tak massage karein. Fir ise 20 minute tak laga rehne dein. Aur iske baad soft tissue ke saath ise paani se saaf kar dein. Aisa kam se kam hafte mein 3 baar karein fir iska result dekhen.

Is parkaar humne koshish ki hai ki apko jitney bhi ho sakein dark circles ko door karne ke tips bataayen taki aap iska faayda utha sakein.

LEAVE A REPLY

Please enter your comment!
Please enter your name here