Tummy Loss Tips in Hindi – Pet Ki Charbi Ko Kam Karne Ke 13 Upay

0
328

Tummy Loss Tips in Hindi – Har koi apne apko fit aur sunder dekhna chahta hai aur agar aap ka pet yani tummy badha hua ho to apki sunderta ko yeh ghata deta hai aur apko dusro ke samne sharmindgi mehsoos hoti hai. Aaj ke modern time mein science ne inti taraki karli hai ki tummy ke fat ko kam karne ke liye market mein kai tarah ki dwaayian aati hai jinke paryog se belly fat burn hota hai. Belly fat ko kam karne ke liye operation tak hote hain. Lekin inse bahut se side effect hota hai. Yeh sharir ke dusre ango ko karab karti hain. Aaj hum pet per badi charbi ke bare mein apko kuch tips batayenge ki kis prakar aap apne pet ki charbi ko ghata sakte hai aur apne apko sunder dikha sakte hain. Sabse pehle yeh jan na zaroori hai ki pet par charbi kese badhti hai. Iske kai karan ho sa kte hain. Jo is parkar hain.

Pet Churbi Yani Ki Tummy Ke Badhne Ke Karan :

1) Tummy badhne ka sabse pehla aur important karan hai zyaada lambe samay tak bethe rehna yani continous sitting. Kuch logon ki job aisi hoti hai jisme unhe computer ke age lagataar bethna padhta hai. Jis se unka tummy bahar aa jata hai.

2) Khane peene ki galat aadton ki vjah se bhi tummy ka fat badh jata hai jese zyaada tala hua khaana, junk food jese pizza, burger, chowmin ityadi. In chizon se charbi badhti hai. Stomach diseases hoti hai jese acidity, constipation, stomach pain ityadi.

3) Exercise na karna aur betime khana khaana ye bhi tummy fats ke karan hai.

4) Smoking, drinking, cold drinks ka zyaada sewan inse bhi tummy badhta hai.

Pet Churbi Yani Ki Tummy Badh Jaane Ke Nuksaan :

1) Tummy per fats badh jaane se sabse zyaada nuksaan yeh hai ki aap bedol dikhne lagte hain.

2) Is se kai tarah ki health problem bhi hone lagti hain jese gastric problem, high blood pressure, constipation,heart attack aadi.

3) Tummy fats se kapdo ki fitting mein problem ati hai. Kuch bhi suit nahi karta

4) Tummy fat se self-confidence km hota hai.

Tummy Loss Tips in Hindi Me, Pet Charbi Kam Karne Ke Tarike :

Niymit Vyayam : Badhe hue pet ko agar aap kam karna chahte hai to sabse pehle daily exercise karne ki aadat daalen. Har din kam se kam 30 minute apne liye nikale. Subeh uthkar walk karein.fir uske baad exercise karein, jis se apki body stretch hokyunki stretch karne se body hard hoti hai.

Diet Control karna : Tummy ki charbi ko khatam karne ke liye apni diet par control karna bahut zaroori hai. Fried chizon ko bilkul na khayen kyunki is se pet par charbi badhti hai. Khaane mein bhi oil ka istemaal kam karein.

Fruits khana aur juices peena : Apni diet chart mein fruit aur juice ka istemaal karna add kar dein. Fruitjitna hosake taaaze fruit aur mausmi fruit zaroor khayen inse aapko takat bhi milegi aur aap healthy bhi rahenge

Paani ka khoob upyog : Prati din kam se kam 8 glass paani zaroor piyen. Paani peene se sharir ki gandgi bahar nikalti hai. Jitna urie pass hota hai utna hi body ke fats bahar nikalte hain. Jahan bhi bahar jaayen vahan paani ki bottle saath lekar jaayen.Taki apko jab bhi pyaas lage aap usi samay pani pi lein.

Nimboo paani : Pet ki charbi kam karne ke liye sabse pehle har roz ek glass gungune paani mein ek nimboo ka ras mila kar piyen. Is se nity karne se body fats kam hote hain.

Gym Kare : Aap apne fats ko kam karne ke liye daily gym bhi ja sakte hai kyunki gym mein kai tarah ki exercise machines hoti hain jinse aap apne belly fats ko kam kar sakte hai. Treadmil per aap exercise kar sakte hain agar aap bahar sair nahi ja sakte kisi vajeh se.

Yoga karein : Aajkal to yoga ka bahut prachalan hai. Yoga mein kayi aisi kriyaane aur aasan hain jinse aap apni charbi ko ghata sakte hain. Aap iske liye yoga instructer ki sahayta le sakte hain.

Fiber food khayen : Belly fat ko kam karne keliye apni diet mein fibre se bharpoor chize khayen.

Chokar ka atta khayein : Gehun ke aate ke sthan par apne khaane mein choker ke atte ka upyog karein kyunki gehu ka atta fats banata hai. Isi parkar white bread white rice ko bilkul band kar dein kyunki yeh fats ko badhate hain iske sthan per brown rice aur brown bread ka upyog karein. Iska aap ki body par koi nuksaan nahi hoga aur aap apne fats per bhi control kar paayenge.

Green vegetable ka paryog : Jitna bhi sambhav ho sake aap hari sabjiyon ka upyog karein kyunki green vegetable health ke liye bahut hi gunkari hoti hai. Au rinse apka swasth bhiacha rahega. Palak, methi, inka khoob upyog karein.

Samay samay per weight karna : Jab aap exercise karte hain apne fats ko burn karne ke liye to kuch kuch samy ke antral lein apne weight check karte rahein taki apko pata chalta rahe ki aap ne kitna weight loss kiya hai.

Mithe ko tyaag dein : Meethi chizon ka bilkul sewan nakarein. Jese mithaiyan, mithi chai, coffee, cold drink, in sabka [aryog naa karein.

Exercise miss mat karein : Agar bahar zyaada thand ya garmi, bearish ka mausam ho tab bhi apni regular exercise ko kabhi mat skip karein balki ghar par hi rehkar apni exercise karte rahein. Yoga karein aur apni diet par control rakhein.

Tummy ke fats ko kam karna aapke haath mein hota hai. Aap jitna apni diet par control karte hain utna hi aap apne aapko fit rakh sakte hain. Hamen yeh asha hai ki humne jo bhi tips aap ko bataye hain apni belly fat ko khatam karne ke liye agar aap inhe ache se apnaayenge to zaroor apna manchaha sharir pa sakenge. Aaj ke samay mein apne aap ko fit rakhna aur akarshak rakhna bahut hi awashyak hai.

LEAVE A REPLY

Please enter your comment!
Please enter your name here