Yoga Tips in Hindi – Janiye Isko Karne Ke Fayade Aur Tarike

2
114

Yoga Tips in Hindi – Ek kahawat hai ki “Karo Yog Raho Nirog “ yeh shabad bilkul satya hain. Aaj ke samay mein yoga ka bahut prachar ho raha hai. Iske kai karan hai jese ki aaj kai aisi bimariya hain jinhe doctors ne lailaaj mana tha lekin yoga mein kayi aisi kriyayen hain jinse in bimariyon ko thik kiya ja sakta hai. Yoga se na kewal achi sehat payi ja sakti hai balki mansik shanty ke liye bhi yoga bahut laabhdaayak hai. Hum aj apke yoga ke bare mein kuch aisi baaten batayenge inka aap laabh utha sakte hain.Yoga se apko aur apki health ko kya kya faayde ho sakte hain iska varnan humne niche kiya hai.

Yoga Karne Ka Fayde (Benefits of Yoga in Hindi):

1) Achi health ke liye awashayak : Ajkal sabhi log apni health ko lekar bahot jaagruk ho chuke hain. Lekin kisi ke paas bhi is bhagdaud ke samay mein gym mein jana ya sair karna mumkin nahi hai. Lekin Yoga ek aisi kasrat hai jise aap apne ghar per room mein bethe bethe aram se mat bhichakar kar sakte hain. Isse apki health bhi thik rahegi. Janiye kuch behtareen health ke tips hindi me.

2) Mansik Shanti Ke liye : Yoga ek aisi kriya hai jis se aap achi health to pa hi sakte hain saath hi saath apne man ko bhi shant rakh sakte hai. Agar aap ko lgta hai ki apka man ashant ho raha hai to aram se padamasan laga ker aap sganti se kuch der chupchap beth jayen is se apke man ko bahut shanty milti hai.

3) Motapa kam karne ke liye : Aaj ke samay mein log bahar ki vastuyen joki tali hui hoti hai, maide se bani hoti hain khana bahut pasand karte hain ye khane mein to swadishit lagti hi hain lekin iske saath saath ye apki health ko bhi khrab karti hain. Yoga ke dwara aap ane motape ko kam kar sakte hain.

4) Lachkilepan ke liye : Agar aap apni body ko bilkul rubber ki tarah lachkila banana chhte hain to yoga se badiya koi bhi exercise nahi hai.Yoga mein kayi aise aasan hain jinhe rozaana karne se aap apni body ko bilkul lachkila bana sakte hain.

5) Concentration ke liye : Agar students yoga ka daily abhyaas karein to is se unko ye faayda hoga ki unki study mein ye bahut helpful hai kyunki yoga karne se concentration badhta hai. Yoga se body mein din bhar sfurti rehti hai. Mind fresh rehta hai jis se kaam ache se hota hai.

6) Mahilaaon ke liye laabhdayak : Yoga mahilaon ke liye bhi ek uttam exercise hai kyunki ek to yoga karne ke liye kahin bahar jaane ki awashaykta nahi hai. Aap ghar ke andar bhi aram se khuli jagah mein yoga kar sakte hain. Yoga karne se mahilaon ki kamar ka dard, sari thakan door ho jati hai.

7) Kai rogo ki rokhtham : Yoga ke abhyaas se na kewal achi health aur body milti hai balki kai bimariyon ke ilaaj mein bhi yoga bahut laabhdaayak hai. Madhumeh, high blood pressure ke liye, heart ke liye, petke rogon ke liye yoga bahut helpful hai.

8) Mansik tanav ko door karna : Yoga ka pratidin abhyaas karne se body to fit renti hi hai lekin iske saath saath mansik tanav bhi door hota hai. Kyunki aajkal ki bhagdaur bhari zindagimein office mein ghar mein tanav ki stithi bani rehti hai aur agar hum har roz thoda sa waqt yoga ke liye nikale to hum tavan mukt ho sakte hain.

9) Samaran shakti badhane ke liye: Yoga karne se samarn shakti bhi badhti hai isliye yoga chhatron ke liye bahut hi laabhdaayak hai.

10) Ankhonki roshni badhane ke liye : Yoga ko karne se ankhon ki roshni bhi tej ho jaati hai. Iske nitya abhyaas se chashma bhi utar jaata hai. Padhiye kuch eye care tips hindi me.

11) Deergh aayu ke liye : Har koi vyakti lambi aayu ki kamna karta hai lekin yog se yeh sambhav ho sakta hai. Daily yoga karne se apka sharir rog mukat rehta hai aur agar aap rog mukt rahenge to apki aayu apne aap lambi ho jayegi.

12) Yoga se muscles majboot hote hain : Yoga ka nitay abhyaas karne se haddiyan aur manspeshiyan majboot ho jaati hain. Inke liye aapko gym jaane ki zaroorat nahi hai.

Yoga Tips in Hindi, Yoga Karne Ke Tarike aur Niyam:

1) Yoga karne ka sabse pehla aur awashayak niyam yeh hai ki yoga hmesha khuli hawa mein karna chahiye taki apko taazi hawa mil sake

2) Yoga karte samay aapjo bhi vastr pehne wo fit nahi hone chahiye balki thode khule aur araamdaayak hone chahiye.

3) Yoga karte samay kabhi bhi jaldbaazi nahi karni chahiye yoga abhyaas dhire gati se karna chahiye.

4) Yoga sube surya nikalne ke 30 minute pehle aur sham ko sooraj chipne ke 1 ghante baad karna chahiye.

5) Agar kisi vyakti ko madhumeh, uch rakatchaap ya dil ki bimari hai to use hmesha yog chikitsak ki salah lene ke baad hi yoga karna chahiye kyunki kuch asan unke liye varjit hote hain.

6) Khana khan eke turant baad kabhi bhi yoga abhyaas nahi karna chahiye. Is se pachan shakti kharab ho jaati hai.

7) Yoga ke turant baad anan nahi karna chahiye kyunki yoga karne se body garam hojati hai aur pasin aata hai.

8) Yoga karne ke baad dhanda paani nahi peena chahiye kyunki is se allergy aur jukham ho sakta hai.

9) Agar aap bimar ho to yoga na karein.

10) Yoga karne ki shuruat mein kathin aasan na karein balki pehle aasan yoga aasnon ka abhyaas karein.

11) Yoga karte samay kisi bhi parkaar ke gehne na pehne kyunki is se aap aaram se yoga nahi kar paayenge.

12) Yoga karne se pehle warmup zaroor karein aur uske baad pranayaam karein fir yoga karein. Ant mein shav aasan zaroor karein taki apki body relax o jaaye.

Is parkaar humne koshish ki hai ki apne paathko ko yoga ke bare mein jitna bhi sambhav ho sake iski jaankari dein. Taki hamare paathak yoga ka laabh utha kar apne jiwan ko uch aur apni body ko healthy aur fit bana sakein.

2 COMMENTS

LEAVE A REPLY

Please enter your comment!
Please enter your name here